SUN குழுமத்திலிருந்து வெளிவரும் காலை நாளிதழ்

ராஜதானி பகுதியில் அனுமதியின்றி மது விற்பனை அமோகம் டிஎஸ்பி நடவடிக்கை எடுக்க கோரிக்கை

3/2/2021 1:49:39 AM

ஆண்டிபட்டி, மார்ச் 2: ஆண்டிபட்டி அருகே, ராஜதானி பகுதியில் அனுமதியின்றி மது விற்பனை செய்வது அதிகரித்து வருகிறது. இது குறித்து டிஎஸ்பி நடவடிக்கை எடுக்க வேண்டும் என கோரிக்கை விடுத்துள்ளனர். ஆண்டிப்பட்டி அரு கே, ராஜதானி காவல்நிலைய சரகத்திற்கு உட்பட்ட கணேசபுரம், அம்மாபட்டி, சித்தார்பட்டி, தெப்பம்பட்டி, ஜக்கம்மாள்பட்டி, அழகாபுரி ஆகிய பகுதிகளில் அனுமதியின்றி மது விற்பனை அமோகமாக நடந்து வருகிறது.
பெட்டிக்கடைகள், சிறிய ஓட்டல்கள், ஊரின் ஒதுக்குப்புறமான மரத்தடி ஆகிய இடங்களில் மதுவை பதுக்கி வைத்து அதிக விலைக்கு விற்பதாக சமூக ஆர்வலர்கள் புகார் தெரிவிக்கின்றனர்.

விவசாய கூலி தொழிலாளர்கள், கட்டிட தொழிலாளிகள் அதிகம் வசிக்கும் கிராம பகுதிகளில் அனுமதியின்றி 24 மணி நேரமும் மது விற்பனை செய்கின்றனர். இதனால், கூலித்தொழிலாளர்கள் தங்கள் வருவாயில் பெரும் பகுதியை மதுவுக்கு செலவழிக்கின்றனர்.  இதனால், அவர்களது குடும்ப வாழ்வாதாரம் பாதிக்கப்படுகிறது. இது குறித்து நடவடிக்கை எடுக்க வேண்டிய ராஜதானி போலீசார் கண்டும், காணாமல் இருப்பதாக பொதுமக்கள் புகார் தெரிவிக்கின்றனர்.

இதேபோல, சட்டவிரோதமாக மணல் திருட்டு நடப்பதாக புகார் தெரிவிக்கின்றனர். இதனால், நிலத்தடி நீர் குறைந்து விவசாயம் பாதிக்கப்படும் என விவசாயிகள் வேதனை தெரிவித்துள்ளனர். எனவே, ராஜதானி பகுதியில் சமூக விரோதச் செயல்களை தடுக்க, ஆண்டிபட்டி டிஎஸ்பி நடவடிக்கை எடுக்க வேண்டும் என சமூக ஆர்வலர்கள் கோரிக்கை விடுத்துள்ளனர்.

மேலும் செய்திகள்

Like Us on Facebook Dinkaran Daily News
  • haiti-refugees-21

    ஹைத்தியில் பாதுகாப்பில்லை, வேலையில்லை!: அமெரிக்காவில் தஞ்சமடைய எல்லையில் குவிந்த அகதிகள்..!!

  • drone-21

    புதுசு புதுசா கண்டுபிடிக்குறாங்கப்பா!: கம்போடியாவில் ஆள் ஏற்றி செல்லும் ட்ரோனை உருவாக்கி மாணவர்கள் அசத்தல்..!!

  • saudi-camel-16

    சவுதி அரேபியாவில் கண்டுபிடிக்கப்பட்ட பிரம்மாண்டமான ஒட்டக சிற்பம்!: 7,000 ஆண்டுகளுக்கு முந்தையது என விஞ்ஞானிகள் தகவல்..!!

  • iceland-16

    ஐஸ்லாந்தில் இரவையே பகலாக மாற்றிய எரிமலை தீக்குழம்பு..!!

  • dolphins-15

    டென்மார்க்கின் ஃபாரோ தீவுகளில் ஒரேநாளில் கொன்று குவிக்கப்பட்ட 1,428 டால்பின்கள்!: செந்நிறமாக மாறிய கடற்கரை..!!

படங்கள் வீடியோ கல்வி சினிமா ஜோ‌திட‌ம்