SUN குழுமத்திலிருந்து வெளிவரும் காலை நாளிதழ்

ஏரல் அருகே ஆறுமுகமங்கலம் குளத்து கரையோர சாலையில் அபாய பள்ளம்

3/1/2021 4:49:46 AM

ஏரல், மார்ச் 1:  ஏரல் அருகே ஆறுமுகங்கலம் குளத்து கரையோர சாலையில் உள்ள பாசன மடையின் மேல் உடைப்பு ஏற்பட்டு ரோட்டில் பள்ளம் ஏற்பட்டுள்ளதால் விபத்து ஏற்பட்டு வருகிறது. இதனை சீரமைத்திட அரசு நடவடிக்கை எடுத்திட வேண்டும் என பொதுமக்கள் கோரிக்கை விடுத்துள்ளனர். ஏரலில் இருந்து புதுக்கோட்டைக்கு செல்லும் ஆறுமுகமங்கலம் குளத்து கரையோர சாலையில் உள்ள பாசன மடையின் மேல் உடைப்பு ஏற்பட்டு திடீர் பள்ளம் ஏற்பட்டுள்ளது.
 இதனால் இந்த சாலையில் பெரிய வாகனங்கள் செல்லும் போது இந்த பள்ளத்தில் இறங்கினால் பாசன மடை உடைந்து பெரிய விபத்து ஏற்பட நேரிடும். இதனால் இந்த வழியாக வரும் வாகனங்கள் இந்த பள்ளத்தில் இறங்காமல் இருப்பதற்காக பள்ளத்தின் மேல் பெரிய கல்லை தூக்கி வைத்துள்ளனர். இதில் பகல் நேரத்தில் வரும் வாகன ஓட்டிகள், கல்லை பார்த்து ஒதுங்கி செல்கின்றனர். ஆனால் இரவு நேரத்தில் எதிரே வரும் வாகனத்திற்கு ஒதுங்குவதற்காக பைக்கில் வருபவர்கள் கல் இருப்பது தெரியாமல் மோதி கீழே விழுந்து பலத்த காயமடைந்து வருகின்றனர். எனவே அரசு அதிகாரிகள் இந்த விபத்து ஏற்பட்டு வருவதை தவிர்த்திடவும், பாசன மடை முழுவதும் சேதமடைவதற்குள் பள்ளத்தை சீரமைத்திட நடவடிக்கை எடுத்திட வேண்டும் என வாகன ஓட்டிகள் மற்றும் பொதுமக்கள் கோரிக்கை விடுத்துள்ளனர்.

மேலும் செய்திகள்

Like Us on Facebook Dinkaran Daily News
  • 18-04-2021

    18-04-2021 இன்றைய சிறப்பு படங்கள்

  • niger-scl-15

    நைஜரில் பள்ளியில் ஏற்பட்ட தீயின் கோரப்பிடியில் சிக்கி 20 மாணவர்கள் உடல் கருகி பரிதாப பலி..!!

  • maharastra-15

    தீவிரமடையும் கொரோனா பரவலால் மஹாராஷ்டிராவில் முழு ஊரடங்கு!: மூட்டை முடிச்சுகளுடன் வெளியேறிய புலம்பெயர் தொழிலாளர்களின் புகைப்படங்கள்..!!

  • 15-04-2021

    22-11-2018 இன்றைய சிறப்பு படங்கள்

  • 15-04-2021

    15-04-2021 இன்றைய சிறப்பு படங்கள்

படங்கள் வீடியோ கல்வி சினிமா ஜோ‌திட‌ம்