மதுரை, பிப். 23: 38 ஆண்டுகள் பணியாற்றும் அங்கன்வாடி ஊழியர், உதவியாளர்களுக்கு காலமுறை ஊதியம் வழங்க வேண்டும். அரசு ஊழியராக அறிவிக்க வேண்டும். அகவிலைப்படி, ஓய்வூதியம், குடும்ப ஓய்வூதியம் வழங்க வேண்டும். ஓய்வுபெறும் போது, பணிக்கொடையாக ஊழியர்களுக்கு ரூ.10 லட்சமும், உதவியாளர்களுக்கு ரூ.5 லட்சமும் வழங்கிட வேண்டும் என கோரி, தமிழ்நாடு அங்கன்வாடி ஊழியர்கள், உதவியாளர்கள் நேற்று தமிழகம் முழுவதும் காத்திருப்பு போராட்டம் நடத்தினர். மதுரை கலெக்டர் அலுவலகம் முன்பு நடந்த போராட்டத்திற்கு சங்கத்தின் மாவட்ட தலைவர் ராஜேஸ்வரி தலைமை வகிக்க, செயலாளர் வரலெட்சுமி, பொருளாளர் ராமேஸ்வரி உள்ளிட்ட நூற்றுக்கணக்கானோர் பங்கேற்றனர்.