SUN குழுமத்திலிருந்து வெளிவரும் காலை நாளிதழ்

ஆசிரியர் கூட்டணி பொதுக்குழு கூட்டம்

1/27/2021 4:14:10 AM

ஊத்தங்கரை, ஜன.26: தமிழ்நாடு ஆசிரியர் கூட்டணியின் மாநில பொதுக்குழு கூட்டம் ஊத்தங்கரையில் நடந்தது. நிகழ்ச்சிக்கு மாநில பொதுச் செயலாளரும், முன்னாள் மேலவை உறுப்பினருமான முத்துசாமி தலைமை வகித்தார். ஊத்தங்கரை வித்யா மந்திர் கல்வி நிறுவனங்களின் தலைவர் சந்திரசேகரன் மாநில பொதுக்குழுவை தொடங்கி வைத்தார். மாநில பொருளாளர் ரக்ஷீத் நிதிநிலை அறிக்கை வாசித்தார். மாநில அமைப்புச் செயலாளர் ஞானசேகரன், மாவட்ட செயலாளர் கணேசன் முன்னிலை வகித்தனர். கலைச்செல்வன் வரவேற்றார். கூட்டத்தில், இடைநிலை ஆசிரியர்களின் ஊதிய முரண்பாடுகளை களைந்து, சம வேலைக்கு சம ஊதியம் வழங்க வேண்டும். பழைய பென்சன் திட்டத்தை அமல்படுத்த வேண்டும். போராட்டத்தில் ஈடுபட்ட ஆசிரியர்கள், அரசு ஊழியர்கள் மீது போடப்பட்ட வழக்குகளை திரும்ப பெற வேண்டும் உள்ளிட்ட பல தீர்மானங்கள் நிறைவேற்றப்பட்டன. கணேசன் நன்றி கூறினார்.

தொடர்ந்து மாநில பொதுச் செயலாளர் முத்துசாமி கூறுகையில், பிரதமர் மோடி பல்வேறு நிகழ்ச்சிகளில் தமிழ் தொன்மையான மொழி என திருக்குறளை உதாரணம் காட்டி பல இடங்களில் சிறப்புரையாற்றுகிறார். எனவே, திருக்குறளை தேசிய நூலாக அறிவிக்க வேண்டும். பழைய பென்சன் திட்டத்தை நிறைவேற்ற நடவடிக்கை எடுக்க வேண்டும். போராட்டத்தில் ஈடுபட்ட ஆசிரியர்கள் மீது எடுக்கப்பட்ட சட்ட நடவடிக்கைகளை வாபஸ் பெற வேண்டும். பிடிக்கப்பட்ட சம்பள தொகையை உடனடியாக வழங்க வேண்டும். அரசு நிதி உதவி பெறும் தனியார் பள்ளிகள் மூடப்பட்டு வருகிறது. இதனை தடுக்க அரசு நிதி உதவிபெறும் தனியார் பள்ளிகளை அரசு பள்ளிகளாக மாற்ற வேண்டும். இவ்வாறு அவர் கூறினார்.

மேலும் செய்திகள்

Like Us on Facebook Dinkaran Daily News
  • 02-03-2021

    02-03-2021 இன்றைய சிறப்பு படங்கள்

  • corona-modi1

    கொரோனா தடுப்பூசி செலுத்திக்கொண்ட பிரதமர் நரேந்திர மோடி!: புகைப்படங்கள்

  • myan-firing1

    மியான்மரில் ராணுவ ஆட்சிக்கு எதிராக மக்கள் கிளர்ச்சி!: போராட்டக்காரர்கள் மீதான துப்பாக்கி சூட்டில் 18 பேர் பலி...உச்சக்கட்ட பதற்றம்..!!

  • itaklyyychha

    இத்தாலியில் 2,000 ஆண்டுகள் பழமையான தேர் எரிமலை சாம்பலில் கிடைத்தது

  • 01-03-2021

    01-01-2021 இன்றைய சிறப்பு படங்கள்

படங்கள் வீடியோ கல்வி சினிமா ஜோ‌திட‌ம்