திருச்சுழி, ஜன. 27: திருச்சுழி ஊராட்சி ஒன்றிய அலுவலகத்தில், ஒன்றியச் சேர்மன் பொன்னுத்தம்பி கொடி ஏற்றினார். துணைச்சேர்மன் மூக்கையா மற்றும் வட்டார வளர்ச்சி அலுவலர்கள் கலந்து கொண்டனர். நரிக்குடி ஊராட்சி ஒன்றிய அலுவலகத்தில், ஒன்றியச் சேர்மன் பஞ்சவர்ணம் கொடி ஏற்றினார். ஒன்றியச் துணைச்சேர்மன் அம்மன்பட்டி ரவிச்சந்திரன் கலந்து கொண்டு இனிப்புகள் வழங்கினார். கவுன்சிலர்கள் மற்றும் வட்டார வளர்ச்சி அலுவலர்கள் கலந்து கொண்டனர். வேடநத்தம் ஊராட்சியில் முத்துக்குமாரி கொடியேற்றி கிராம மக்களுக்கு இனிப்புகள் வழங்கி, தூய்மைப் பணியாளர்களுக்கு சால்வை அணிவித்து மரியாதை செலுத்தினார். ஊராட்சி செயலர் வேல்முருகன் உட்பட ஏராளமான மக்கள் கலந்து கொண்டனர். திருச்சுழியில் முஹையத்தீன் ஆண்டவர் பள்ளிவாசல் வளாகத்தில் பள்ளிவாசல் தலைவர் சிக்கந்தர் சேட் கொடியேற்றி பொதுமக்களுக்கு இனிப்பு வழங்கினார்.