சிவகாசி, ஜன. 27: சிவகாசி தாலுகா அலுவலகத்தில் நடந்த குடியரசு தினவிழாவில், தாசில்தார் வெங்கடேஷ் தேசிய கொடியை ஏற்றி வைத்தார். சிவகாசி ஊராட்சி ஒன்றிய அலுவலகத்தில், ஊராட்சி ஒன்றியத் தலைவர் முத்துலட்சுமி விவேகன்ராஜ் தேசியகொடியேற்றி வைத்தார். திருத்தங்கல் நகராட்சி அலுவலகத்தில், நகராட்சி ஆணையாளர் பாண்டித்தாய் தேசிய கொடியேற்றினார். பள்ளபட்டி ஊராட்சியில் ஊராட்சி மன்ற தலைவர் உசிலை செல்வம், ஆனையூர் ஊராட்சியில் ஊராட்சி மன்ற தலைவர் லட்சுமிநாராயணன், நாராணாபுரம் ஊராட்சியில் ஊராட்சி மன்ற தலைவர் தேவராஜன், விஸ்வநத்தம் ஊராட்சியில் ஊராட்சி மன்ற தலைவர் நாகராஜ், சித்துராஜபுரம் ஊராட்சியில் ஊராட்சி மன்ற தலைவர் லீலாவதி சுப்புராஜ் ஆகியோர் கொடியேற்றினர்.