SUN குழுமத்திலிருந்து வெளிவரும் காலை நாளிதழ்

பைக்குகள் மோதி பெயின்டர் பலி 3 பேர் படுகாயம் கீழ்பென்னாத்தூரில்

1/24/2021 8:43:23 AM

கீழ்பென்னாத்தூர், ஜன.24: கீழ்பென்னாத்தூரில் பைக்குகள் நேருக்குநேர் மோதி விபத்துக்குள்ளானதில் பெயின்டர் பலியானார். 3 பேர் படுகாயம் அடைந்தனர். விழுப்புரம் மாவட்டம், செஞ்சி தாலுகா, சங்கராபுரம் பகுதியை சேர்ந்தவர் பீட்டர்(47), பெயின்டர். அதே பகுதியை சேர்ந்தவர் ஏழுமலை(30). இவர்கள் இருவரும் நேற்று முன்தினம் இரவு, ஒரே பைக்கில் திருவண்ணாமலையில் இருந்து சொந்த ஊருக்கு புறப்பட்டு சென்றனர். திருவண்ணாமலை மாவட்டம், கீழ்பென்னாத்தூர் தபால் நிலையம் எதிரே சென்று கொண்டிருந்தபோது, அவ்வழியாக வந்த மற்றொரு பைக் திடீரென, இவர்களது பைக் மீது நேருக்குநேர் மோதியது. இதில் பீட்டர், ஏழுமலை மற்றும் மற்றொரு பைக்கில் வந்த கீழ்பென்னாத்தூர் அம்பேத்கர் நகரை சேர்ந்த பிரபு மகன் வெற்றி(17), தயாநிதி மகன் லட்சுமணன்(17) ஆகிய 4 பேரும் படுகாயம் அடைந்தனர். தகவலறிந்த கீழ்பென்னாத்தூர் போலீசார் சம்பவ இடத்திற்கு சென்று, அவர்களை மீட்டு திருவண்ணாமலை அரசு மருத்துவ கல்லூரி மருத்துவமனைக்கு அனுப்பி வைத்தனர். மருத்துவமனையில் சிகிச்சை பலனின்றி பீட்டர் பரிதாபமாக இறந்தார். மற்ற 3 பேருக்கும் தீவிர சிகிச்சை அளிக்கப்பட்டு வருகிறது. இதுகுறித்து கீழ்பென்னாத்தூர் போலீசார் வழக்குப்பதிந்து விசாரணை நடத்தி வருகின்றனர்.

மேலும் செய்திகள்

Like Us on Facebook Dinkaran Daily News
  • labor8

    ஆஸ்திரேலியாவில் உழைப்பாளர் தின கொண்டாட்டம்!: வானில் பறக்கவிடப்பட்ட பிரம்மாண்ட ராட்சத பலூன்கள்..!!

  • transgender8

    நாட்டிலேயே முதல் முறையாக தெலுங்கானாவின் காவல் நிலையத்தில் "திருநங்கைகள் சமூக மேடை"! புகைப்படங்கள்

  • nasaaa_mmm

    செவ்வாய் கிரகத்தில் உள்ள மலைகள், பாறைகளுடன் கூடிய புதிய புகைப்படங்ளை பூமிக்கு அனுப்பியது பெர்சிவரன்ஸ் ஆய்வூர்தி!!

  • 08-03-2021

    08-03-2021 இன்றைய சிறப்பு படங்கள்

  • 07-03-2021

    07-03-2021 இன்றைய சிறப்பு படங்கள்

படங்கள் வீடியோ கல்வி சினிமா ஜோ‌திட‌ம்