SUN குழுமத்திலிருந்து வெளிவரும் காலை நாளிதழ்

சின்னமனூரில் திறந்தவெளி கழிப்பிடமான பயணிகள் நிழற்குடைகள் நடவடிக்கை எடுக்குமா நகராட்சி?

1/24/2021 4:20:15 AM


சின்னமனூர், ஜன. 24: சின்னமனூரில் பயணிகள் நிழற்குடைகளில் மின்விளக்கு இல்லாததால் திறந்தவெளி கழிப்பிடமாக மாறி வருகிறது. சின்னமனூர் மார்க்கையன்கோட்டை ரவுண்டானா பிரிவில் போடி, தேனி பகுதிக்கும் செல்லும் பயணிகள் வசதிக்காக கடந்த 2009ம் ஆண்டு ரோட்டரி சங்கத்தின் சார்பில் பயணிகள் நிழற்குடைகள் கட்டி தரப்பட்டது. இதனை பராமரிக்கும் பணியை சின்னமனூர் நகராட்சி நிர்வாகத்தினர் மேற்கொண்டு வந்தனர். ஆரம்பத்தில் முறையாக பராமரித்து வந்த நகராட்சி அதன்பின் நிழற்குடைகளை கண்டுகொள்ளவில்லை. இதனால் இந்த 2 நிழற்குடைகளையும் இரவுநேரங்களில் திறந்தவெளி கழிப்பிடமாக பயன்படுத்தி வருகின்றனர். இதனால் கடும் துர்நாற்றம் வீசுவதால் பயணிகள் உள்ளே செல்வதை தவிர்த்து வெளியே கால்கடுக்க பஸ்சுக்காக காத்திருக்கின்றனர். இப்பகுதி மக்கள் கூறுகையில், ‘2 நிழற்குடைகளிலும் மின்விளக்கு வசதி செய்து தரவில்லை. இரவுநேரங்களில் இவை இருட்டாக இருப்பதால் கழிப்பிடமாக பயன்படுத்துகின்றனர். எனவே நிழற்குடைகளில் உடனே நகராட்சி நிர்வாகத்தினர் மின்விளக்குகள் பொருத்துவதுடன், தொடர்ந்து முறையாக பராமரிக்கவும் நடவடிக்கை எடுக்க வேண்டும்’ என்றனர்.

மேலும் செய்திகள்

Like Us on Facebook Dinkaran Daily News
  • 03-03-2021

    03-03-2021 இன்றைய சிறப்பு படங்கள்

  • corona-party-2

    கொரோனா தடுப்பூசியின் முதல் டோஸ்!: இன்றும் மத்திய, மாநில அமைச்சர்கள், அரசியல் கட்சி தலைவர்கள் போட்டுக்கொண்டனர்..!!!

  • priyanka-2

    அனல் பறக்கும் அரசியலுக்கு நடுவே, தோட்ட தொழிலாளர்களுடன் இணைந்து தேயிலை பறிக்கும் பிரியங்கா காந்தி!: புகைப்படங்கள்

  • 02-03-2021

    02-03-2021 இன்றைய சிறப்பு படங்கள்

  • corona-modi1

    கொரோனா தடுப்பூசி செலுத்திக்கொண்ட பிரதமர் நரேந்திர மோடி!: புகைப்படங்கள்

படங்கள் வீடியோ கல்வி சினிமா ஜோ‌திட‌ம்