SUN குழுமத்திலிருந்து வெளிவரும் காலை நாளிதழ்

விண்ணை முட்டும் விலையேற்றம் இரும்பு டன்னுக்கு ரூ.15 ஆயிரம் வரை உயர்வு கட்டுமானத் தொழில் கடும் பாதிப்பு

1/24/2021 4:13:07 AM

மதுரை, ஜன. 24: வீடு மற்றும் கட்டிட பணிகளுக்கும், கிரில் கேட் தயாரிப்பு உள்ளிட்ட ஒர்க்ஷாப் தொழில்களுக்கும் இரும்பின் தேவை முக்கியமாகும். சில வாரங்களுக்கு முன், டன் ஒன்றுக்கு ரூ.45 ஆயிரமாக இருந்த இரும்புக் கம்பியின் விலை, 10 நாட்களுக்கு முன், ரூ.62 ஆயிரமாக உயர்ந்தது. அதாவது டன் ஒன்றுக்கு ரூ.15 ஆயிரம் வரை விலை உயர்ந்தது. இரும்பு பைப் கிலோ ரூ.65ல் இருந்து ரூ.81 ஆக உயர்ந்தது. அதாவது டன் ஒன்றுக்கு ரூ.16 ஆயிரம் வரை விலை உயர்ந்துள்ளது. இதனால், கட்டிடம் கட்டுவோர், கிரில்கேட் தயாரிப்போர், வெல்டிங் பட்டறை உள்ளிட்ட ஒர்க்ஷாப் தொழில்கள் கடுமையாக பாதிக்கப்பட்டுள்ளன.
இது குறித்து தென்மதுரை இரும்பு கிரில் உற்பத்தியாளர்கள் முன்னேற்ற சங்க அவசரக்கூட்டம், மதுரை தெற்குவாசலில் உள்ள சங்க கட்டிடத்தில், தலைவர் பாலசுப்பிரமணியன் தலைமையில் நடந்தது. செயலாளர் சுந்தரேஸ்வரன், பொருளாளர் முனியாண்டி முன்னிலை வகித்தனர். கூட்டத்தில் இரும்பு விலை உயர்வால், கிரில் கம்பெனிகள் நஷ்டம் அடைந்துள்ளது. எனவே, மத்திய-மாநில அரசுகள் இரும்பு விலை உயர்வை கட்டுப்படுத்தி, நிரந்தர விலையை நிர்ணயம் செய்ய வேண்டும் என்பது உள்ளிட்ட பல்வேறு தீர்மானங்கள் நிறைவேற்றப்பட்டன.

சங்கத்தலைவர் பாலசுப்பிரமணியன் கூறுகையில், ‘பெட்ரோல், டீசல், தங்கத்தைப்போல, இரும்பு விலையும் வரலாறு காணாத அளவுக்கு உயர்ந்துள்ளது. இதனால், கட்டுமானத் தொழில், பாடி பில்டிங் கட்டும் தொழில் பாதிக்கப்படும். மதுரை மாவட்டத்தில் 1,200க்கும் மேற்பட்ட கிரில் பட்டறைகள் உள்ளன. இவைகளில் வேலை பார்க்கும் தொழிலாளர்களின் வாழ்வாதாரம் கடுமையாக பாதிக்கப்படும். எனவே, இரும்புக்கு நிரந்தர விலை நிர்ணயம் செய்ய வேண்டும்’ என்றார்.
வண்டியூர் கட்டிட கான்டிராக்டர் செழியன் கூறுகையில், ‘கட்டுமான தொழிலுக்கு பயன்படுத்தப்படும் இரும்பு விலை உயர்வு மற்றும் கட்டுமான பொருட்கள் விலை உயர்வால், ஒரு சதுர அடிக்கு ரூ.2,200 வாங்கியது, ரூ.200 வரை அதிகம் உயர்த்தி ரூ.2,400 வாங்க வேண்டியநிலை உள்ளது. மேலும், தற்போது தினமும் விலை உயர்ந்து வருவதால், கான்ட்ராக்ட் எடுத்து வேலையை செய்து கொடுப்பது என்பது சிரமமானதே” என்றார்.

மேலும் செய்திகள்

Like Us on Facebook Dinkaran Daily News
  • spain-school-beach

    ஸ்பெயினில் வகுப்பறையாக மாறிய கடற்கரை!: தனிமனித இடைவெளியுடன் ஆர்வமுடன் கல்வி கற்கும் மாணவர்கள்..!!

  • 19-04-2021

    19-04-2021 இன்றைய சிறப்பு படங்கள்

  • 18-04-2021

    18-04-2021 இன்றைய சிறப்பு படங்கள்

  • niger-scl-15

    நைஜரில் பள்ளியில் ஏற்பட்ட தீயின் கோரப்பிடியில் சிக்கி 20 மாணவர்கள் உடல் கருகி பரிதாப பலி..!!

  • maharastra-15

    தீவிரமடையும் கொரோனா பரவலால் மஹாராஷ்டிராவில் முழு ஊரடங்கு!: மூட்டை முடிச்சுகளுடன் வெளியேறிய புலம்பெயர் தொழிலாளர்களின் புகைப்படங்கள்..!!

படங்கள் வீடியோ கல்வி சினிமா ஜோ‌திட‌ம்