SUN குழுமத்திலிருந்து வெளிவரும் காலை நாளிதழ்

கூத்தியம்பேட்டை கிராமத்தில் 20 ஆண்டுகளாக சேதமடைந்த சாலையை சீரமைக்காத அவலம்

1/24/2021 3:55:17 AM

கொள்ளிடம், ஜன. 24: கூத்தியம்பேட்டை கிராமத்தில் 20 ஆண்டுகளாக கைவிடப்பட்ட சாலையை மீண்டும் மேம்படுத்த கோரிக்கை விடுக்கப்பட்டுள்ளது. கொள்ளிடம் அருகே கூத்தியம்பேட்டை கிராமத்தில் வெட்டுமாகளம் உள்ளது. இந்த கிராமத்திலிருந்து 2 கிலோ மீட்டர் தூரம் மிக குறுகிய வரப்பாக இருந்தது. 2000ம் ஆண்டில் கிராம மக்களின் கோரிக்கைய ஏற்று தேசிய ஊரக வேலை உறுதியளிப்பு திட்டத்தின்கீழ் 2 கிலோ மீட்டர் தூரத்துக்கு மண் சாலை அமைக்கப்பட்டது. அதன்பிறகு தார் சாலையாக மேம்படுத்தப்பட்டது. இதனால் இந்த சாலை வழியாக விவசாயிகள், தொழிலாளர்கள் அப்பகுதியில் உள்ள வெட்டுமா களத்துக்கும், அப்பகுதியில் உள்ள வயல் பகுதிகளுக்கும் எளிதில் சென்று வந்தனர்.

ஆனால் காலப்போக்கில் அந்த சாலையை இதுவரை மேம்படுத்த எந்த நடவடிக்கையும் எடுக்கவில்லை. இந்த சாலை சேதமடைந்து போக்குவரத்துக்கு தகுதியற்ற நிலையில் உள்ளதால் மக்கள் அவதிப்பட்டு வருகின்றனர். இந்த சாலையை மேம்படுத்தக்கோரி அதிகாரிகளுக்கு பலமுறை கோரிக்கை விடுத்தும் இதுவரை நடவடிக்கை எடுக்கவில்லை. தேர்தல் தேதி அறிவிப்பதற்கு முன்பாக இந்த சாலையை மேம்படுத்த வேண்டும். இல்லாவிட்டால் வரும் சட்டமன்ற தேர்தலை புறக்கணிக்க போவதாக கிராம பொதுமக்கள் சார்பில் விவசாயி கார்த்திகேயன் தெரிவித்தார்.

மேலும் செய்திகள்

Like Us on Facebook Dinkaran Daily News
  • 07-03-2021

    07-03-2021 இன்றைய சிறப்பு படங்கள்

  • 07-03-2021

    22-11-2018 இன்றைய சிறப்பு படங்கள்

  • 06-03-2021

    06-03-2021 இன்றைய சிறப்பு படங்கள்

  • military-helicopter5

    துருக்கியில் ராணுவ ஹெலிகாப்டர் தரையிறங்க முயன்ற போது கீழே விழுந்து வெடித்து சிதறியதில் 11 பேர் பலி..!!

  • 05-03-2021

    05-03-2021 இன்றைய சிறப்பு படங்கள்

படங்கள் வீடியோ கல்வி சினிமா ஜோ‌திட‌ம்