SUN குழுமத்திலிருந்து வெளிவரும் காலை நாளிதழ்

தொடர் மழையால் பயிர் சேதம் அறிக்கையை 29ம் தேதி அளிக்க வேண்டும் அலுவலர்களுக்கு ககன்தீப் சிங் பேடி அறிவுறுத்தல்

1/22/2021 3:36:29 AM

ஒரத்தநாடு,ஜன.22: தொடர் மழையால் ஏற்பட்ட பயிர் சேதம் குறித்த அறிக்கையை, வரும் 29ம் தேதிக்குள் அளிக்க, அலுவலர்களுக்கு அறிவுறுத்தப்பட்டுள்ளது என வேளாண் உற்பத்தி துறை கமிஷனரும், முதன்மை செயலாளருமான ககன்தீப் சிங் பேடி தெரிவித்தார். தஞ்சை மாவட்டம் ஒரத்தநாடு அடுத்த பொன்னாப்பூர் கிராமத்தில், நெல் கொள்முதல் நிலையத்தில் விவசாயிகளின் முயற்சியால் அமைக்கப்பட்டுள்ள, நெல் ஈரப்பதத்தை உலர்த்தும் நவீன இயந்திர செயல்பாடுகளையும், தொடர்ந்து மாவட்டத்தின் பல்வேறு இடங்களில் பயிர் பாதிப்புகளை வேளாண் உற்பத்தி துறை கமிஷனரும், முதன்மை செயலாளருமான ககன்தீப் சிங் பேடி ஆய்வு செய்தார். அப்போது, அவர் நிருபர்களிடம் கூறுகையில், தொடர் மழையால் பயிர்கள் பாதிக்கப்பட்டு விவசாயிகள் பெரியளவில் இழப்பை சந்தித்துள்ளனர் என்பதை கண்கூடாக பார்க்க முடிகிறது.

இது விவசாயிகளுக்கு சோதனையான நேரம் தான். பாதிக்கப்பட்ட பகுதிகளை வேளாண்,தோட்டக்கலை, வருவாய்த்துறையினர் ஆய்வு செய்து கணக்கீடு செய்து வருகின்றனர். அனைத்து பகுதிகளிலும் முழுமையாக ஆய்வு செய்து, பாதிக்கப்பட்ட விவசாயிகள் ஒருவர் கூட விடுப்படாமல், அதன் அறிக்கையை வரும் 29ம் தேதிக்குள் அரசுக்கு தர அலுவலர்களுக்கு அறிவுறுத்தப்பட்டுள்ளது. அதன் பிறகு முறையாக அரசு சார்பில் விவசாயிகளுக்கு நிவாரணம் வழங்க நடவடிக்கை எடுக்கப்படும். வேளாண்,தோட்டக்கலை, வருவாய் துறையினர் பயிர் இன்சூரன்ஸ் நிறுவனங்களிடம் இருந்து விவசாயிகளுக்கு நிவாரணம் வாங்கி தர முயற்சி எடுத்து, விவசாயிகளுக்கு உறுதுணையாக நிற்க வேண்டும். நெல் ஈரப்பதத்தை உலர்ந்தும் இயந்திரம் நல்ல முறையாக செயல்படுகிறது. தற்போது தஞ்சை மாவட்டத்தில், வேளாண் பொறியல் துறை சார்பில், தலா ரூ.12 லட்சம் மதிப்பில், புதிதாக இரண்டு நேரடி நெல் கொள்முதல் நிலையங்களில் நெல் ஈரப்பத்தை உலர்ந்தும் இயந்திரம் அமைக்கப்பட்டுள்ளது. இது சோதனையில் வெற்றி பெற்றால் தமிழகம் முழுவதும் அமைக்க ஏற்பாடு செய்யப்படும்.

மேலும் செய்திகள்

Like Us on Facebook Dinkaran Daily News
  • 18-04-2021

    18-04-2021 இன்றைய சிறப்பு படங்கள்

  • niger-scl-15

    நைஜரில் பள்ளியில் ஏற்பட்ட தீயின் கோரப்பிடியில் சிக்கி 20 மாணவர்கள் உடல் கருகி பரிதாப பலி..!!

  • maharastra-15

    தீவிரமடையும் கொரோனா பரவலால் மஹாராஷ்டிராவில் முழு ஊரடங்கு!: மூட்டை முடிச்சுகளுடன் வெளியேறிய புலம்பெயர் தொழிலாளர்களின் புகைப்படங்கள்..!!

  • 15-04-2021

    22-11-2018 இன்றைய சிறப்பு படங்கள்

  • 15-04-2021

    15-04-2021 இன்றைய சிறப்பு படங்கள்

படங்கள் வீடியோ கல்வி சினிமா ஜோ‌திட‌ம்