SUN குழுமத்திலிருந்து வெளிவரும் காலை நாளிதழ்

பட்டிவீரன்பட்டி அருகே எச்சரிக்கை அறிவிப்பின்றி நடக்கும் பாலப் பணி வாகன ஓட்டிகளுக்கு விபத்து அபாயம்

1/17/2021 4:10:44 AM

பட்டிவீரன்பட்டி, ஜன. 17: பட்டிவீரன்பட்டி அருகே அய்யம்பாளையம்-சித்தரேவு மெயின்ரோட்டில் எச்சரிக்கை அறிவிப்பின்றி நடக்கும் பாலம் கட்டுமான பணியால், வாகன ஓட்டிகளுக்கு விபத்து அபாயம் ஏற்பட்டுள்ளது. பட்டிவீரன்பட்டி அருகே, விரிவான சாலை உட்கட்டமைப்பு திட்டத்தின் கீழ், ரூ.90 லட்சத்தில் நொச்சி ஓடையில் புதிய பாலத்துடன் கணேசபுரம்-கதிர்நாயக்கன்பட்டி இடையே புதிய சாலை அமைக்கப்பட உள்ளது. இதற்காக நொச்சி ஓடை தலைப்பாலம் அகற்றப்பட்டு, தரைப்பால வேலை தொடங்கியுள்ளது. இப்பணிக்காக பாலம் அருகே மாற்றுப்பாதை அமைத்துள்ளனர்.

இதில், வாகனங்கள் செல்வதற்காக தற்காலிக தார்ச்சாலை அமைக்காமல், பாலத்தை இடித்த செம்மண்ணை கொட்டி தற்காலிக சாலை அமைத்துள்ளனர். மழை பெய்ததால், தற்காலிக சாலை சேறும் சகதியுமாக மாறியுள்ளது.
இதனால், வாகன ஓட்டிகள் சிரமப்படுகின்றனர். மேலும், பாலம் வேலை குறித்த எச்சரிக்கை அறிவிப்பு இல்லை. செம்மண்ணால் தற்காலிக வேகத்தடை அமைத்துள்ளனர். இதுவும் மழையில் கரைந்துவிட்டது. இதனால், விபத்து அபாயம் ஏற்பட்டுள்ளது. எனவே, சம்பந்தபட்ட நெடுஞ்சாலைத்துறை அதிகாரிகள் போதிய பாதுகாப்பு ஏற்பாடுகளை, மேற்கொள்ள வேண்டும் என வாகன ஓட்டிகள் கோரிக்கை விடுத்துள்ளனர்.

மேலும் செய்திகள்

Like Us on Facebook Dinkaran Daily News
  • 23-04-2021

    23-04-2021 இன்றைய சிறப்பு படங்கள்

  • oxygen-22

    ஆக்சிஜன் வாயு கசிந்து விபத்து: நாசிக் மருத்துவமனையில் மூச்சுத்திணறி 24 நோயாளிகள் பரிதாப மரணம்..!!

  • oxyyge11

    ஆக்சிஜன் சிலிண்டர் நிரப்பும் மையங்களுக்கு படையெடுக்கும் மக்கள்; இரவு, பகலாக நீண்ட வரிசையில் காத்திருப்பு; இந்தியாவில் அவலநிலை!!

  • koronaasadaaa1

    குவியல் குவியலாக கொரோனா சடலங்கள் எரிப்பு.. ஆம்புலன்சில் காத்து கிடைக்கும் நோயாளிகள்.. கண்ணீர் ததும்ப வைக்கும் படங்கள்!!

  • black-girl22

    அமெரிக்காவில் போலீசாரின் துப்பாக்கிச் சூட்டில் கருப்பின சிறுமி பலி!: வெடித்தது பெரும் போராட்டம்..!!

படங்கள் வீடியோ கல்வி சினிமா ஜோ‌திட‌ம்