SUN குழுமத்திலிருந்து வெளிவரும் காலை நாளிதழ்

இடைப்பாடி தாலுகா அலுவலகம் முற்றுகை பேச்சுவார்த்தைக்கு பின் சமரசம்

1/17/2021 2:21:54 AM

இடைப்பாடி, ஜன.17:  எருதாட்ட விழாவிற்காக கோயிலை காளை சுற்றி வர அனுமதி கோரி கிராமமக்கள் இடைப்பாடி தாசில்தார் அலுவலகத்தை முற்றுகையிட்டனர். இடைப்பாடி சுற்றியுள்ள தாதாபுரம், வேம்பனேரி, முனியம்பட்டி, வெள்ளாளபுரம், சின்னப்பம்பட்டி ஆகிய பகுதிகளில் நாளை எருதாட்டம் நடக்கிறது. இதனையொட்டி காலங்காலமாக தாங்கள் வளர்க்கும் காளைகளை மாரியம்மன், அய்யனாரப்பன் கோயில் பூசாரி திருநீறு போட்டு, இருபுறமும் இளைஞர்கள் கயிற்றைப் பிடித்துக் கொண்டு கோயிலை சுற்றி வருவது வழக்கம். தற்போது வருவாய்த்துறையினர், காவல்துறையினர் இதை தடை செய்துள்ளனர். இது குறித்து நேற்று வெள்ளாலபுரம், சின்னப்பம்பட்டி கிராமமக்கள் சங்ககிரி ஆர்டிஓ அமிர்தலிங்கம், தாசில்தார்கள், முத்துராஜா, செல்வகுமார், இன்ஸ்பெக்டர் சண்முகசுந்தரம் ஆகியோர் தலைமையில் நடந்தது. அப்போது தாதாபுரம் பகுதி ஊர் பொதுமக்கள் இடைப்பாடி தாலுகா அலுவலகத்தை முற்றுகையிட்டு ஆர்ப்பாட்டம் செய்தனர். காலங்காலமாக காளை கோயிலை சுற்றி வருகிறது. வெளி பகுதிகளில் மாவட்டங்களில் ஜல்லிக்கட்டு பல்வேறு நிகழ்ச்சி நடைபெற்று வருகிறது. எனவே, தடையை நீக்கி வழக்கமாக கோயிலை சுற்றி வரும் காளைகளுக்கு அனுமதி வழங்க வேண்டும் என கூறி முற்றுகையிட்டனர். அதிகாரிகள் பேச்சுவார்த்தை நடத்தி, காலங்காலமாக வருகிற காளை மட்டும் கோயிலைச் சுற்றி வந்து, பின்பு தங்கள் பகுதிக்கு அழைத்துச் செல்லுமாறு நிபந்தனையுடன் உத்தரவு வழங்கப்பட்டது.

மேலும் செய்திகள்

Like Us on Facebook Dinkaran Daily News
  • spain-school-beach

    ஸ்பெயினில் வகுப்பறையாக மாறிய கடற்கரை!: தனிமனித இடைவெளியுடன் ஆர்வமுடன் கல்வி கற்கும் மாணவர்கள்..!!

  • 19-04-2021

    19-04-2021 இன்றைய சிறப்பு படங்கள்

  • 18-04-2021

    18-04-2021 இன்றைய சிறப்பு படங்கள்

  • niger-scl-15

    நைஜரில் பள்ளியில் ஏற்பட்ட தீயின் கோரப்பிடியில் சிக்கி 20 மாணவர்கள் உடல் கருகி பரிதாப பலி..!!

  • maharastra-15

    தீவிரமடையும் கொரோனா பரவலால் மஹாராஷ்டிராவில் முழு ஊரடங்கு!: மூட்டை முடிச்சுகளுடன் வெளியேறிய புலம்பெயர் தொழிலாளர்களின் புகைப்படங்கள்..!!

படங்கள் வீடியோ கல்வி சினிமா ஜோ‌திட‌ம்