SUN குழுமத்திலிருந்து வெளிவரும் காலை நாளிதழ்

திருவான்மியூர் பகுதியில் கொகைன் விற்ற நைஜீரியர் கைது: ரூ.5.5 லட்சம் போதைப்பொருள் பறிமுதல்

12/28/2020 5:37:53 AM

துரைப்பாக்கம்: திருவான்மியூர் பகுதியில் கொகைன் போதைப்பொருள் விற்பனை செய்த நைஜீரியரை போலீசார் கைது செய்தனர். திருவான்மியூர் பகுதியில் இளைஞர்களை குறிவைத்து விலை உயர்ந்த போதைப் பொருளான கொகைன் விற்பனை நடைபெறுவதாக திருவான்மியூர் போலீசாருக்கு தகவல் கிடைத்தது. இதனையடுத்து இன்ஸ்பெக்டர் ராம சுந்தரம் தலைமையில் தனிப்படை போலீசார் தீவிர விசாரணையில் ஈடுபட்டனர். கடந்த ஒரு வாரமாக, தீவிர கண்காணிப்பில் ஈடுபட்டு வந்த போலீசார், திருவான்மியூர் பேருந்து நிறுத்தம் அருகே சந்தேகத்திற்கிடமாக திரிந்த ஆசாமியை பிடித்து விசாரித்தனர்.

அப்போது அவர் முன்னுக்குப்பின் முரணாக பேசியதால், காவல் நிலையம் அழைத்து சென்று விசாரித்தனர். அதில், நைஜீரியாவை சேர்ந்த இப்ராஹிம் (57) என்பதும், நைஜீரியாவில் இருந்து விமானம் மூலம் சென்னைக்கு கொகைன் போதை பொருளை கடத்தி வந்து, கல்லூரி மாணவர்கள், இளைஞர்கள் உள்பட பலருக்கு விற்பனை செய்து வந்ததும் தெரியவந்தது. அவரிடமிருந்து, சுமார் ரூ.5.50 லட்சம் மதிப்புள்ள சுமார் 55 கிராம் கொகைன் மற்றும் ரூ.65 ஆயிரம், பாஸ்போர்ட், நைஜீரியா செல்வதற்கான விமான டிக்கெட் ஆகியவற்றை போலீசார் பறிமுதல் செய்தனர். பின்னர், அவரை கைது செய்து ஆலந்தூர் நீதிமன்றத்தில் அவரை ஆஜர்படுத்தி புழல் சிறையில் அடைத்தனர்.

மேலும் செய்திகள்

Like Us on Facebook Dinkaran Daily News
  • 23-04-2021

    23-04-2021 இன்றைய சிறப்பு படங்கள்

  • oxygen-22

    ஆக்சிஜன் வாயு கசிந்து விபத்து: நாசிக் மருத்துவமனையில் மூச்சுத்திணறி 24 நோயாளிகள் பரிதாப மரணம்..!!

  • oxyyge11

    ஆக்சிஜன் சிலிண்டர் நிரப்பும் மையங்களுக்கு படையெடுக்கும் மக்கள்; இரவு, பகலாக நீண்ட வரிசையில் காத்திருப்பு; இந்தியாவில் அவலநிலை!!

  • koronaasadaaa1

    குவியல் குவியலாக கொரோனா சடலங்கள் எரிப்பு.. ஆம்புலன்சில் காத்து கிடைக்கும் நோயாளிகள்.. கண்ணீர் ததும்ப வைக்கும் படங்கள்!!

  • black-girl22

    அமெரிக்காவில் போலீசாரின் துப்பாக்கிச் சூட்டில் கருப்பின சிறுமி பலி!: வெடித்தது பெரும் போராட்டம்..!!

படங்கள் வீடியோ கல்வி சினிமா ஜோ‌திட‌ம்