SUN குழுமத்திலிருந்து வெளிவரும் காலை நாளிதழ்

வெளிநாட்டில் வேலை வாங்கி தருவதாக பலரிடம் லட்சக்கணக்கில் மோசடி: டிராவல்ஸ் உரிமையாளர் உள்பட 2 பேர் கைது

12/25/2020 5:48:16 AM

வேளச்சேரி: தரமணியை சேர்ந்த வள்ளி (55), தனது மகனுக்கு வெளிநாட்டு வேலை தேடி வந்தார். இந்நிலையில், மலேசியாவில் வேலை வாங்கி தரப்படும், என்ற டிராவல்ஸ் நிறுவனத்தின் விளம்பரத்தை பார்த்து அதிலிருந்த செல்போன் எண்ணை தொடர்பு கொண்டார். எதிர்முனையில், பேசிய நபர், பாஸ்போர்ட் மற்றும் கல்வி சான்றிதழ்களை சரிபார்க்க முன்பணம் ரூ.47 ஆயிரம் செலுத்த வேண்டும் என கூறியுள்ளனர். அதன்பேரில், அவர்களது வங்கி கணக்கில் பணத்தை செலுத்தி உள்ளார். அதன்பிறகு, அந்த செல்போன் எண்ணை தொடர்புகொண்டபோது, சுவிட்ச்ஆப் செய்யப்பட்டிருந்தது. இதுகுறித்து அடையாறு போலீஸ் துணை கமிஷனர் விக்ரமிடம் வள்ளி புகாரளித்தார்.

அதன்பேரில், சைபர் கிரைம் போலீசார், செல்போன் எண் மற்றும் பணம் செலுத்திய வங்கி கணக்கு ஆகியவற்றை ஆய்வு செய்தபோது, கடலூரைச் சேர்ந்த மணிமாறன் (50), சிவானந்தத்துடன் (39) சேர்ந்து மோசடியில் ஈடுபட்டது தெரியவந்தது.
இவர்கள் கடலூர் மாவட்டம் திருப்பாதிரிப்புலியூர் எஸ்எஸ்ஆர் நகரில் சங்கரா தேவி டிராவல்ஸ் மற்றும் கன்சல்டன்சி என்ற பெயரில் 2012ம் ஆண்டு முதல் நிறுவனம் நடத்தி, பலரிடம் லட்சக்கணக்கில் மோசடி செய்தது தெரியவந்தது. அவர்களிடம் இருந்து கார், 2 கம்ப்யூட்டர், 3 தொலைபேசிகள், 1 ஸ்வைப்பிங் மெஷின், 20 பாஸ்போர்ட்கள், வங்கி கணக்கு புத்தகம் மற்றும் ஆவணங்களை போலீசார் பறிமுதல் செய்தனர். பின்னர், இருவர் மீதும் மீது வழக்குப்பதிவு செய்து சைதாப்பேட்டை நீதிமன்றத்தில் ஆஜர்படுத்தி சிறையில் அடைத்தனர்.

மேலும் செய்திகள்

Like Us on Facebook Dinkaran Daily News
  • planet Vaikundam

    ஜொலிக்கும் பூலோக வைகுண்டம்

  • 04-12-2021

    04-12-2021 இன்றைய சிறப்பு படங்கள்

  • lunch-ofz

    லஞ்ச் டைம் ஆச்சா...இதோ வந்துட்டோம்: வேலை சுமையில் ஓடுபவர்களுக்கு அலுவலகத்திற்கு சென்று சாப்பாடு கொடுத்து அசத்தும் ஒரே குடும்பத்தினர்..!!

  • Ministers

    மழையால் பாதிக்கப்பட்ட பகுதிகளை ஆய்வு செய்த அமைச்சர்கள்

  • Ohmicron_Rajiv Gandhi_Bed

    ஓமைக்ரான் எதிரொலி; வெளிநாடுகளில் இருந்து வருபவர்களுக்கு ராஜீவ் காந்தி மருத்துவமனையில் தயார் நிலையில் 150 படுக்கைகள்

படங்கள் வீடியோ கல்வி சினிமா ஜோ‌திட‌ம்