தேவையானவை:

உருளைக்கிழங்கு - 5,
வெங்காயம் - 1,
இஞ்சி பூண்டு விழுது - 1 டீஸ்பூன்,
மிளகாய் தூள் - 1/4 டீஸ்பூன்,
எண்ணெய் - 1 டேபிள் ஸ்பூன்,
உப்பு - தேவையான அளவு,
எண்ணெய் - 2 டீஸ்பூன்,
கடுகு - 1 டீஸ்பூன்,
கறிவேப்பிலை - சிறிது,
வரமிளகாய் - 1வறுத்து

பொடிக்க:

மிளகு - 1/2 டீஸ்பூன்,
மல்லி - 1/2 டீஸ்பூன்,
வரமிளகாய் - 2,
கடலைப் பருப்பு - 1 டீஸ்பூன்,
உளுத்தம் பருப்பு - 1 1/2 டீஸ்பூன்,
சோம்பு - 1/4 டீஸ்பூன்,
பட்டை - 1/2 இன்ச், கிராம்பு - 2.

செய்முறை:

முதலில் ஒரு வாணலியை அடுப்பில் வைத்து, அதில் வறுத்து அரைப்பதற்கு கொடுத்துள்ள பொருட்களை சேர்த்து பொன்னிறமாக வறுத்து இறக்கி, ஆற வைத்து, மிக்ஸியில் போட்டு பொடித்துக் கொள்ளவும். உருளைக்கிழங்கை வேகவைத்து தோல் உரித்து நடுத்தரமாக நறுக்கிக் கொள்ளவும். வாணலியில் எண்ணெய் சேர்த்து. கடுகு, கறிவேப்பிலை, வற்றல் சேர்த்து தாளித்து, பின் இஞ்சி பூண்டு விழுது சேர்த்து வதக்கவும். இதனுடன் வெங்காயம் சேர்த்து பொன்னிறமாக வதக்கிய பிறகு, நறுக்கி வைத்துள்ள உருளைக்கிழங்கை சேர்த்து, மிளகாய் தூள், அரைத்து வைத்துள்ள பொடி மற்றும் உப்பு சேர்த்து சிறு தீயில் வைத்து நன்கு சிவக்க பிரட்டி இறக்கவும்.