தேவையானவை:

மேல் மாவிற்கு…

மெல்லிய ரவை - 1/4 கப்,
கோதுமை மாவு - 1/4 கப்,
தினை மாவு - 1/2 கப்,
சூடான எண்ணெய் - 2 டேபிள் ஸ்பூன்,
நீர்,
எண்ணெய் - தேவைக்கு.

பூரணத்திற்கு…

துருவிய தேங்காய் வறுத்தது (அ) ஃப்ரெஷ் கொப்பரை - 1/2 கப்,
கோவா - 1/2 கப்,
ரவை வறுத்தது - 2- 3 டீஸ்பூன்,
கசகசா- 2 டேபிள்ஸ்பூன்,
ஏலக்காய்த்தூள் - தேவையானது,
உடைத்த முந்திரி,
திராட்சை - சிறிது.

செய்முறை:

மேல் மாவிற்கு கொடுத்ததை தண்ணீருடன் சேர்த்து பிசைந்து மூடி வைக்கவும். மாவு அதிகம் கெட்டியாகவோ அதிகம் சாஃப்டாகவோ இருக்கக் கூடாது. பூரணத்திற்கு கொடுத்த எல்லாவற்றையும் கலந்து வைத்துக் கொள்ளவும். இப்போது மேல் மாவில் இருந்து ஒரு சிறு எலுமிச்சை அளவு மாவு எடுத்து உருட்டி, தேய்த்து பூரி பதம் மாதிரி செய்து மத்தியில் 1 பெரிய டேபிள்ஸ்பூன் பூரணத்தை வைத்து மூடி சோமாஸ் கட்டரில் வெட்டி அல்லது சோமாஸ் அச்சு கொண்டு செய்து, எல்லா சோமாஸ்களையும் ஓரம் பிரியாமல் ஈரம் கொண்டு ஒட்டி வைக்க வேண்டும். இதை காய்ந்த எண்ணெயில் மிதமான தீயில் இரண்டு பக்கமும் பொன்னிறமாக பொரித்து எடுக்கவும்.