தேவை:

சர்க்கரை - 750 கிராம்
கார்ன் மாவு (சோள மாவு) - 3 மேசைக்கரண்டி
ஆரஞ்சு கலர் -  கால் தேக்கரண்டி
நெய் - 2 மேசைக்கரண்டி
எண்ணெய் -  அரை லிட்டர்  
உப்பு - ஒரு சிட்டிகை.

ஒரு பாத்திரத்தில் மைதா மாவை போட்டு அதில் சிறிது தண்ணீர் தெளித்து, உப்பு சேர்த்து கெட்டியாக பிசைந்து கொள்ளவும். கார்ன் மாவு, நெய் இரண்டையும் சேர்த்து நன்றாக கலந்து கொள்ளவும். பிறகு பிசைந்து வைத்த மைதா மாவை இரண்டு அல்லது மூன்று அப்பளமாக மெல்லியதாக இட்டு கொள்ள வேண்டும். கார்ன் மாவு நெய் கலவையை அப்பளங்களின் ஒரு புறம் முழுமையாக தடவிக் கொள்ளவும். பின் அப்பளங்களை மெல்லியதாக சுருட்டிக் கொள்ளவும் (ரோல்). ரோல் செய்த அப்பளங்களை வேண்டிய அளவுக்கு சிறிய துண்டுகளாக வெட்டிக் கொள்ளவும் (பாம்பே காஜாவின் அளவு துண்டுகளின் அளவை பொருத்தது). வெட்டிய துண்டுகளை மீண்டும் மெல்லிய அப்பளங்களாக இட்டுக் கொள்ளவும். அப்பளத்தை பாதியாக வெட்டி ஒவ்வொரு பாதியையும் இரண்டாக மடித்துக் கொள்ளவும் (முக்கோணமாக). அடுப்பில் வாணலி வைத்து எண்ணெய் ஊற்றி சூடானதும் முக்கோணங்களை எண்ணெயில் (அடுப்பு சிம்மில் இருக்க வேண்டும்) போட்டு பொரித்து எடுக்கவும். பொரித்து எடுத்த பாம்பே காஜாக்களை தயாராக வைத்திருக்கும் சர்க்கரை பாகில் போட்டு ஒரு நிமிடம் வைத்திருந்து எடுத்து தனியாக வைக்கவும்.