தேவையானவை:

சுத்தமான கொள்ளு - 250 கிராம்,
வெல்லம் - 150 கிராம்,
துருவிய தேங்காய் - சிறிதளவு,
பொடி செய்த ஏலக்காய் - 5,
நெய் - 50 கிராம்,
பால் - 150 மில்லி.

செய்முறை:

சுத்தம் செய்யப்பட்ட கொள்ளை 750 மில்லி தண்ணீரில் போட்டு அடுப்பை ஆன் செய்து கொதிக்க வைக்கவும். நான்கு, ஐந்து விசில் வந்தவுடன் அதை கீழே இறக்கி, வடிகட்டவும். பாலில் பொடி செய்யப்பட்ட வெல்லம், கொள்ளு சேர்த்து மிக்ஸியில் அரைக்கவும். அரைத்த கொள்ளில் ஏலக்காய் போட்டு பிசையவும். அதனுடன் நெய்யையும் போட்டு நன்றாக பிசைந்து லட்டாக பிடிக்கவும். தேங்காய் துருவல் மேலே தூவி சாப்பிட்டால் நல்ல ருசியாக இருக்கும்.