SUN குழுமத்திலிருந்து வெளிவரும் காலை நாளிதழ்

Dinakaran Daily news

புரோட்டீன் கொழுக்கட்டை

2022-09-02@ 17:25:36

தேவையானவை:

பச்சரிசி மாவு - 2 கப்
சோயா பீன்ஸ் - ½ கப்
கடுகு - ½ டீஸ்பூன்
கடலைப்பருப்பு, உளுந்தம் பருப்பு தலா - 1 டீஸ்பூன்
இஞ்சி - 1 சிறிய துண்டு
பச்சைமிளகாய் - 4
கறிவேப்பிலை - சிறிதளவு
பெருங்காயத் தூள் - 1 சிட்டிகை
தண்ணீர் 1½ கப்
எண்ணெய், உப்பு - தேவைக்கேற்ப


செய்முறை:

சோயா பீன்ஸை ஊறவைத்து பின் மிக்ஸியில் கொர கொரப்பாக அரைக்கவும். இஞ்சி, பச்சைமிளகாய், உப்பு இவற்றை நைஸாக அரைத்து சோயாவுடன் கலக்கவும். அடுப்பில் வாணலியை வைத்து எண்ணெய் விட்டுக் காய்ந்ததும் கடுகு, உளுந்தம் பருப்பு, கடலைப்பருப்பு தாளித்து, பெருங்காயத்தூள் சேர்த்து வதக்கிப் பின் சோயா பீன்ஸ் விழுதுச் சேர்த்து கறிவேப்பிலை கிள்ளிப் போட்டு சிறிதளவு உப்புச் சேர்த்துக் கிளறவும். வெந்து உதிர் உதிராக வரும் வரைக் கிளறவும். இதுதான் ‘பூரணம்’. அடுப்பில் வாணலி வைத்து தண்ணீர் விட்டு சிறிதளவு உப்பு, 1 ஸ்பூன் எண்ணெய் விட்டு கொதிக்க விடவும். இதில் பச்சரிசி மாவைத் தூவிக் கட்டியில்லாமல் கிளறி எடுக்கவும். ஆறியதும் அரிசி மாவில் எலுமிச்ச அளவு எடுத்து உருட்டி கிண்ணம் போல் செய்து அதில் சோயா பூரணம் 1 டீஸ்பூன் அளவு எடுத்து மூடிக் கொழுக்கட்டை வடிவம் கொடுத்து, இட்லிப்பானையில் வைத்து அடுப்பில் ஆவியில் வேகவைத்து எடுத்தால் ‘புரோட்டீன்’ கொழுக்கட்டை தயார்.

மேலும் செய்திகள்

Dinakaran Daily news
Like Us on Facebook Dinkaran Daily News
  • tirupati-murmu-5

    திருப்பதி ஏழுமலையான் கோவிலில் குடியரசு தலைவர் திரௌபதி முர்மு சுவாமி தரிசனம்..!!

  • brazil-rain-landslide-2

    தொடர் மழையால் அதிரும் பிரேசில்!: நீரில் அடித்து செல்லப்பட்ட வாகனங்கள்.. நிலச்சரிவில் சிக்கி 2 பேர் பலி..!!

  • kujarat-election

    குஜராத் மாநிலம் சட்டசபை தேர்தலில் வாக்களிக்க ஆப்பிரிக்க மக்களுக்கென பிரத்யேக பூத்: உணவு, ஆட்டம் பாட்டத்துடன் கொண்டாடிய மக்கள்..!

  • vinayagar-puduchery-30

    புதுச்சேரியை அதிரவைக்கும் மக்களின் அழுகுரல்.. மணக்குள விநாயகர் கோயில் யானை உயிரிழப்புக்காக கதறும் பக்தர்கள்..!!

  • sirpi-30

    சிற்பி திட்டத்தின் கீழ் மாணவ, மாணவியர்களுக்கான தேசப்பற்று குறித்த விழிப்புணர்வு நிகழ்ச்சி: அமைச்சர் அன்பில் மகேஷ் பங்கேற்பு

படங்கள் வீடியோ கல்வி சினிமா ஜோ‌திட‌ம்