தேவை:

மூக்கிரட்டைக் கீரை - 2 கையளவு
வெங்காயம் - 1
தக்காளி - 1
பூண்டு - 2 பல்
மஞ்சள் தூள் - சிறிதளவு
மிளகுத் தூள் - 1 டீஸ்பூன்
சீரகப் பொடி - 1 டீஸ்பூன்
உப்பு - தேவையான அளவு

செய்முறை

வெங்காயம், தக்காளியை பொடியாக நறுக்கிக் கொள்ளவும். மூக்கிரட்டை கீரையை நன்றாக சுத்தம் செய்து வைத்துக் கொள்ள வேண்டும். பிறகு 2 டம்ளர் நீரை அடுப்பில் வைத்து கொதிக்க ஆரம்பிக்கும் போது, வெங்காயம், தக்காளி, கீரையை போட்டு கொதிக்க வைக்க வேண்டும். கீரை நன்கு வெந்ததும், அதில் சீரகப் பொடி, தட்டிய பூண்டு, மஞ்சள்தூள், மிளகுத்தூள் மற்றும் உப்பு சேர்த்து நன்கு கொதிக்கவிட வேண்டும். நன்றாகக் கொதித்த பிறகு அதனை இறக்கி வடிகட்டி பருக வேண்டும். சூப்பரான மூக்கிரட்டைக் கீரை சூப் ரெடி. மூக்கிரட்டை கீரை கிடைக்காதவர்கள் மூக்கிரட்டைக் கீரைப் பொடி நாட்டு மருந்துக் கடைகளில் கிடைக்கும். அதை வாங்கியும் பயன்படுத்தலாம்.