என்னென்ன தேவை?

ஆர்கானிக் பன்னீர் ரோஜா இதழ்கள் - 1 கப்
காய்ந்த மிளகாய் - 6
துருவிய தேங்காய் - 2 டேபிள் ஸ்பூன்
ஊறவைத்த புளி - கொட்டைப்பாக்கு அளவு
சின்ன வெங்காயம் - 15
உப்பு - தேவைக்கு
தாளிப்பதற்கு
கடுகு - ¼ டீஸ்பூன்
உளுந்து - ¼ டீஸ்பூன்
கடலைப்பருப்பு - ¼ டீஸ்பூன்
கறிவேப்பிலை - 2 கொத்து
பெருங்காயம் - 2 சிட்டிகை
எண்ணெய் - தேவையான அளவு

பக்குவம்:

மிக்சி ஜாரில் காய்ந்த மிளகாய், துருவிய தேங்காய், புளி, உப்பு, சின்ன வெங்காயம், சுத்தப்படுத்திய பன்னீர் ரோஜா இதழ்கள் எல்லாவற்றையும் போட்டு நன்றாக அரைத்துக்கொள்ளவும். பின்னர் கடுகு, உளுந்து, கடலைப்பருப்பு, கறிவேப்பிலை, பெருங்காயம் போன்றவற்றை போட்டு தாளித்து, அரைத்த கலவையுடன் சேர்த்து கலக்கவும். சுவையான ரோஜா பூ சட்னி தயார்.