SUN குழுமத்திலிருந்து வெளிவரும் காலை நாளிதழ்

ஸ்பெஷல் மட்டன் பிரியாணி

2022-06-02@ 17:23:00

தேவையான பொருட்கள்:

பாஸ்மதி அரிசி - ஒரு கிலோ.
மட்டன் - ஒரு கிலோ.
வெங்காயம் - 1/2 கிலோ.
தக்காளி - 200 கிராம்.
இஞ்சி, பூண்டு விழுது - 150 கிராம்.
பச்சை மிளகாய் - 4.
மிளகாய்த் தூள் - 4 தேக்கரண்டி.
தயிர் - 200 மி.லி.
பட்டை - 1 துண்டு.
கிராம்பு - 4.
ஏலக்காய் - 2.
கொத்தமல்லித் தழை - சிறிதளவு.
புதினா - 4 (சிறிதளவு).
எலுமிச்சை - 1.
கடலை எண்ணெய் - 1/4 லிட்டர்.
உப்பு - தேவையான அளவு.


பக்குவம்:

வெங்காயம், தக்காளியை தனியாக விழுதுபோல அரைத்துக் கொள்ளவும். அதேபோல இஞ்சி பூண்டையும் தனியாக அரைக்கவும். அரிசியை நன்றாக அலசி அரை  மணி நேரம் ஊற வைக்கவும். கடாயை அடுப்பில் வைத்து எண்ணெய் சூடானவுடன், பொடியாக அரைத்த பட்டை, கிராம்புடன் ஏலக்காயை சேர்த்து வறுத்து விழுதாக உள்ள வெங்காயம் தக்காளியை சேர்த்து பொன்னிறமாக வதக்கவும். பின்னர் மிளகாய்த் தூள் சேர்த்து 5 நிமிடம் கலக்கவும். தயிர், பச்சைமிளகாய், கொத்தமல்லி, புதினா, தேவையான அளவு உப்பு ஆகியவற்றை கலக்கவும். பிறகு பெரிய பாத்திரத்தில் உப்பு சேர்த்து தண்ணீரில் கொதிக்க வைத்து, அதில் ஊற வைத்த அரிசியை  சேர்த்து, கூடவே சிறிதளவு எலுமிச்சைச் சாறு விட்டு, 70 சதவிகிதம் வரை வேக வைத்து எடுக்கவும்.

எலுமிச்சைச் சாறு விடுவதால் அரிசி உடையாது. தனியாக ஒரு பாத்திரத்தில் கறியுடன் சிறிதளவு உப்பு, இஞ்சி பூண்டு விழுது சேர்த்து வேக வைத்து இறக்கவும்.
மசாலா ருசியை சரிபார்த்து, மிதமான தீயில் வேகவைத்த கறியைச் சேர்த்து எண்ணெய் மேலே வரும்வரை வதக்கி, வடித்த சாதத்தைச் சேர்த்து, அடுப்பில்  தோசைக்கல் மேல் வைத்து, அதில் சிறிது நீர் ஊற்றி, குறைவான தீயில், பாத்திரத்தின் ஓரத்தில் ஈரத்துணியைத் தலைப்பாகை போல் சுற்றி, காற்றுப் புகாமல் மூடி, அதன் மேல் ஒரு நீர் நிறைந்த பாத்திரத்தை வைத்து, ஆவி போகாமல் தடுத்து, சுமார் 20 நிமிடம் மூடி வைக்கவும். இறுதியாக நெய் சேர்த்து கிளறவும்.

மேலும் செய்திகள்

LikeGamezop
Like Us on Facebook Dinkaran Daily News
  • inde-12

    நாட்டின் 75-வது சுதந்திர தின கொண்டாட்டம்: மூவர்ண விளக்குகளால் ஜொலிக்கும் ஒன்றிய, மாநில அரசு கட்டடங்கள்..!!

  • drugs-11

    போதையைத் தவிர்..கல்வியால் நிமிர்!: தமிழக பள்ளி மாணவர்கள் போதைக்கு எதிராக உறுதிமொழி ஏற்பு..!!

  • cuba-fire-accident

    கியூபாவில் பயங்கர தீ விபத்து: 17 பேர் பலி..!!

  • south korea

    தென்கொரியாவை புரட்டிபோட்ட கனமழை!! இதுவரை 9 பேர் பலி..

  • birds-flu-10

    பிரிட்டன் ஃபார்ன் தீவில் பரவும் பறவை காய்ச்சல்: ஆயிரக்கணக்கான பறவைகள் துடிதுடித்து இறப்பு..!!

படங்கள் வீடியோ கல்வி சினிமா ஜோ‌திட‌ம்