தேவையானவை:

நன்கு கனிந்த பெரிய பலாச் சுளைகள் - 15,
துருவிய வெல்லம் - ½ கப்,
கெட்டி தேங்காய்ப்பால் - ½ கப்,
நெய் - 4 டேபிள் ஸ்பூன்,
உடைத்த முந்திரி துண்டுகள் - 2 டேபிள் ஸ்பூன்,
ஏலப்பொடி - 1 டீஸ்பூன்.

செய்முறை:

ஒரு பாத்திரத்தில் பலாச்சுளைகளை அரிந்து போட்டு ½ கப் நீர்விட்டு வேகவிடவும். பாதி வெந்ததும் துருவிய வெல்லத்தினைச் சேர்த்து இரண்டு கொதிவிட்டு தேங்காய்ப்பால் சேர்த்து மீண்டும் இரு கொதிவிட்டு ஏலப்பொடி சேர்த்து நெய்யில் முந்திரித்துண்டுகளை வறுத்துச் சேர்த்து இறக்கவும். எல்லாவற்றையும் நன்றாகக் கலந்துவிடவும்.