தேவையானவை:

கோதுமை மாவு - 250 கிராம்,
தனி மிளகாய்த்தூள் - 2 டீஸ்பூன்,
உப்பு - தேவைக்கு,
பெருங்காயத்தூள் - 1 டீஸ்பூன்,
சீரகம் - 1 டீஸ்பூன்,
எண்ணெய் - 100 மிலி,
வெண்ணெய் - 50 கிராம்.

செய்முறை:

கோதுமை மாவில் உப்பு, சீரகம், மிளகாய்த்தூள், பெருங்காயத்தூள், வெண்ணெய் சேர்த்து சப்பாத்தி மாவு பதத்தில் பிசைந்துகொள்ளவும். பின்பு அதனை சிறு சப்பாத்திகளாய் இட்டு, கத்தியால் ரிப்பன்போல் கட் செய்து, டயமென்ட் வடிவில் கட் செய்து வாணலியில் எண்ணெய் விட்டு காய்ந்ததும் பொரித்து எடுத்தால் சுவையான கோதுமை சில்லி டைமண்ட் தயார். இது மாலை நேர சிற்றுண்டியாக சாப்பிட சுவையாக இருக்கும்.