SUN குழுமத்திலிருந்து வெளிவரும் காலை நாளிதழ்

காளிஃபிளவர் பொரியல்

2021-08-11@ 17:35:21

தேவையான பொருட்கள்

காளிஃபிளவர் - 1/2 பூ
பெரிய வெங்காயம் - 1
இஞ்சி பூண்டு விழுது - 1/2 தேக்கரண்டி
கடுகு - 1/4 தேக்கரண்டி
கடலைப்பருப்பு - 1/4 தேக்கரண்டி
உளுத்தம்பருப்பு - 1/4 தேக்கரண்டி
கரம்மசாலா தூள் - 1/4 தேக்கரண்டி
மஞ்சள் தூள் - 2 சிட்டிகை
மிளகாய் தூள் - 1/2 தேக்கரண்டி
கறிவேப்பிலை - 2 கொத்து
தேங்காய் துருவல் - 2 தேக்கரண்டி
கொத்தமல்லித்தழை - சிறிதளவு
எண்ணெய் - 2 தேக்கரண்டி
உப்பு - தேவையான அளவு


செய்முறை

காளிஃபிளவரை கொத்து கொத்தாக நறுக்கி கொதிக்கும் தண்ணீரில் போட்டு வடித்து வைத்துக் கொள்ளவும். பெரிய வெங்காயத்தைப் பொடியாக நறுக்கிக் கொள்ளவும். அடுப்பில் வாணலியை வைத்து எண்ணெய் ஊற்றி காய்ந்ததும், கடுகு போட்டு வெடித்ததும், கடலைப்பருப்பு, உளுத்தம்பருப்பு சேர்த்து தாளித்துக் கொள்ளவும். பின்னர் அதில் நறுக்கிய வெங்காயம், கறிவேப்பிலை சேர்த்து நன்கு வதக்கவும். அடுத்து மஞ்சள் தூள், இஞ்சி பூண்டு விழுது சேர்த்து பச்சை வாசனை போகும் வரை வதக்கவும். அடுத்து மசாலா தூள், மிளகாய் தூள் சேர்த்து, லேசாக கிளறிவிடவும். பின்னர் சுடுநீரில் வடிகட்டிய காலிஃபிளவரை போட்டு, உப்பு, சிறிதளவு தண்ணீர் சேர்த்து கிளறி வேக வைக்கவும். காளிஃபிளவர் வெந்தவுடன் தேங்காய் துருவலைச் சேர்த்து அடுப்பிலிருந்து இறக்கி வைக்கவும்.

குறிப்பு

* மசால் வாசனை வேண்டாம் என்றால் இஞ்சி பூண்டு விழுது மற்றும் மசாலா தூள் சேர்க்காமல், சீரகம் அல்லது சோம்புத்தூள் சேர்த்தும் செய்யலாம்.

* காளிஃபிளவருடன் தண்ணீர் அதிகமாக சேர்க்கக் கூடாது. சேர்த்தால் காளிஃபிளவர் குழைந்துவிடும்.

மேலும் செய்திகள்

Like Us on Facebook Dinkaran Daily News
  • ooty_flower

    பூத்துக்குலுங்கும் வண்ண மலர்களோடு இன்று தொடங்கியது உதகை மலர் கண்காட்சி..!!

  • bharat111

    சென்னை ஐசிஎப் தொழிற்சாலையில் வந்தே பாரத் ரயில் பணிகள் : ஒன்றிய அமைச்சர் அஸ்வினி வைஷ்ணவ் ஆய்வு

  • charles_kameela

    3 நாள் சுற்றுப்பயணமாக இளவரசர் சார்லஸ்- கமிலா தம்பதி கனடா வருகை

  • arungatchimmaa1

    சர்வதேச அருங்காட்சியக தினம் : நாடு முழுவதும் உள்ள அருங்காட்சியங்களில் குவிந்த மக்கள்!!

  • porkappal1

    முற்றிலும் இந்தியாவில் தயாரிக்கப்பட்ட 2 போர்க்கப்பல்களை நாட்டுக்கு அர்ப்பணித்தார் ராஜ்நாத்சிங்

படங்கள் வீடியோ கல்வி சினிமா ஜோ‌திட‌ம்