தேவையான பொருட்கள்:  

இட்லி மாவு-5 மேஜைக்கரண்டி,
கோதுமை மாவு-1 மேஜைக்கரண்டி,
கடலை மாவு-1 மேஜைக்கரண்டி,
ரவை-1 மேஜைக்கரண்டி,
ராகி மாவு -2 மேஜைக்கரண்டி,
எண்ணெய் -  தேவையான அளவு,  
துருவிய கேரட் -    2 மேஜைக்கரண்டி,
உளுந்தம்பருப்பு  -  1 டீஸ்பூன்,  
பெரிய வெங்காயம்  -  1 ,  
உப்பு - தேவையான அளவு,  
பச்சை மிளகாய் -  2,   
தேங்காய்த்துருவல்  -  2 மேஜைக்கரண்டி,
நறுக்கிய மல்லித்தழை -   சிறிதளவு.

செய்முறை:

ஒரு அகலமான பாத்திரத்தில் மாவு அனைத்தையும் ஒன்றாகச் சேர்த்து தோசை மாவுப் பதத்தில் உப்பு போட்டு கரைத்துக் கொள்ளவும். மிக்ஸியில் நறுக்கிய வெங்காயம் 1\4 பச்சை மிளகாய் 1\4 மல்லித்தழையைச் சேர்த்து ஒரு சுற்று அரைத்துக் கொள்ளவும். கடாயில் சுமார் 2 டீஸ்பூன் எண்ணெயைச் சேர்த்து சூடானதும் உளுந்தம் பருப்பு, அரைத்தவை, துருவிய கேரட், தேங்காயைச் சேர்த்து வதக்கவும். இதனை மாவில் சேர்த்து கலக்கவும். கட்டியில்லாமல் கரைத்துக் கொள்ளவும். பணியாரக் கல்லைச் சூடு செய்து குழியில் எண்ணெய் விட்டு கரைத்த மாவை, ஒரு சிறு குழிக்கரண்டியில் எடுத்து பணியாரக்குழியில் சேர்த்து இருபுறமும் திருப்பிப் போட்டு மொறு மொறு வெனச் சுட்டு எடுக்கவும். சுவையான சாம்பாருடன் பேக் செய்து கொடுக்கவும்.

குறிப்பு: பீன்ஸ், முட்டைக்கோஸ், பீட்ரூட், டர்னீப் சேர்த்தும் 5 மாவு மிக்ஸ் பணியாரத்தைச் செய்யலாம்.