தேவையான பொருட்கள்

ராகி சேமியா - 200 கிராம்,
தண்ணீர் - தேவையான அளவு,
உப்பு - தேவையான அளவு,
எண்ணெய் - 1 தேக்கரண்டி,
கடுகு - அரை தேக்கரண்டி,
கடலை பருப்பு - அரை தேக்கரண்டி,
நறுக்கிய வெங்காயம் - 1,
நறுக்கிய பச்சை மிளகாய் - 2.

செய்முறை

ஒரு பாத்திரத்தில் ராகி சேமியா எடுத்துக் கொள்ளவும். அதில் தேவையான அளவு தண்ணீர், உப்பு சேர்த்து 2-3 நிமிடம் வரை ஊற வைக்கவும். பிறகு தண்ணீரை வடித்தெடுத்து கொள்ளவும். உலர்ந்த சேமியாவை இட்லி பாத்திரத்தில் வைத்து 5 நிமிடங்கள் வேக வைத்து பிறகு உதிர்த்துக் கொள்ளவும். ஒரு வாணலியில் 1 தேக்கரண்டி எண்ணெய் ஊற்றி எண்ணெய் சூடானதும் கடுகு, கடலை பருப்பு, நறுக்கிய வெங்காயம், பச்சை மிளகாய் சேர்த்து வதக்கவும். பிறகு தேவையான அளவு உப்பு மற்றும் வேக வைத்த ராகி சேமியாவை சேர்த்து 2-3 நிமிடம் வதக்கி இறக்கினால் ராகி சேமியா உப்புமா தயார். கடுகு தாளிப்புக்கு பதில் அதில் சர்க்கரை, தேங்காய் துருவல் சேர்த்து சாப்பிடலாம்.