தேவையான பொருட்கள்

மைதா - 1 கப்,
உப்பு - 1/4 டீஸ்பூன்,
கருப்பு எள்ளு - 1/2 டீஸ்பூன்,
எண்ணெய் - தேவைக்கேற்ப,
கிழங்கு - 1 கப், (வேக வைத்து மசித்தது)
வெங்காயம் - 1/4 கப்,
சீரகப் பொடி - 1/4 டீஸ்பூன்,
சாட் மசாலா - 1/2 டீஸ்பூன்,
உப்பு - தேவைக்கு,
பச்சை மிளகாய் - 2,
கார்ன் ஃப்ளவர் - 3 டீஸ்பூன்.

செய்முறை

மைதா, உப்பு, கருப்பு எள்ளை ஒரு பாத்திரத்தில் எடுத்து தண்ணீர் சேர்த்து சப்பாத்தி மாவு போன்று கலந்துகொள்ளவும். பின் அதை 20 நிமிடம் ஊற வைக்கவும். மற்றொரு பாத்திரத்தில் கிழங்கு, வெங்காயம், சீரகப்பொடி, சாட் மசாலா, உப்பு, பச்சை மிளகாய், கார்ன் ஃப்ளவர் மாவு சேர்த்து கலந்துகொள்ளவும். கையில் எண்ணெய் தடவி பொட்டேட்டோ பால் செய்து வைக்கவும். ஊற வைத்த மாவை எடுத்து சப்பாத்தி போன்று உருட்டி வைத்து அதன் ஓரங்களை வெட்டி எடுத்துப்பின் மீதி இருக்கும் மாவை நேராக வெட்டி வைத்துக்கொள்ளவும். பின் அதில் ஒரு துண்டை எடுத்து அதில் பொட்டேடோ பாலை வைத்து நேராக உருட்டிக்கொள்ளவும். அதில் டூத்பிக் ஒன்றை  சொருகவும். பின் கடாயில் எண்ணெய் ஊற்றி அதை பொரித்து எடுத்தால் சுவையான கிழங்கு ரோல் சமோசா ரெடி.