தேவையான பொருட்கள்

பச்சரிசி - 1 கைப்பிடி,
புழுங்கல் அரிசி - ஒரு கைப்பிடி,
உளுந்து - ஒரு கைப்பிடி,
பாசிப்பயறு- ஒரு கைப்பிடி,
கொண்டைக்கடலை - ஒரு கைப்பிடி,
தட்டைப் பயிறு - ஒரு கைப்பிடி,
கேழ்வரகு - ஒரு கைப்பிடி,
கம்பு -ஒரு கைப்பிடி,
பார்லி - ஒரு கைப்பிடி,
காய்கறிக் கலவை துருவியது - ஒரு கைப்பிடி (கேரட், பீன்ஸ்),
இஞ்சி  - 1 துண்டு,
பெரிய வெங்காயம் - ஒன்று துருவியது,
தேங்காய் -ஒரு கப் துருவியது.
கொத்துமல்லி - ஒரு டீஸ்பூன்  

அரைக்க:

வரமிளகாய் - 4,
சோம்பு - ஒரு டீஸ்பூன்,
பெருங்காயம் - ஒரு கட்டி,
உப்பு - 2 டீஸ்பூன்,
எண்ணெய் - தேவையான அளவு.

செய்முறை:

பச்சரிசி, புழுங்கலரிசி, உளுந்தைக் கழுவி ஒன்றாக ஊறவைக்கவும். பச்சைப் பயறு, தட்டைப் பயறு, கொண்டைக் கடலையை ஒன்றாகக் கழுவி ஊறவைக்கவும். கம்பு, பார்லி, கேப்பையைத் தனித்தனியாக கழுவி காயவைத்து மிக்ஸியில் குருணையாக பொடித்துக் கொள்ளவும். பச்சரிசி, புழுங்கலரிசி, உளுந்தைக் கொரகொரப்பாக அரைக்கவும். பச்சைப்பயிறு, தட்டைப்பயிறு, கொண்டை கடலையையும் கொரகொரப்பாக அரைக்கவும். இரண்டையும் சேர்த்து கம்பு, கேப்பை, பார்லிக் குருணை பொடியைக் கலக்கவும். உப்பு சேர்க்கவும். வரமிளகாயையும் சோம்பையும் அல்லது பெருங்காயத்தையும் அரைத்துச் சேர்க்கவும். தேங்காய்த் துருவல், காய்கறிக் கலவை, வெங்காயத் துருவல், கொத்துமல்லி சேர்த்து உப்பு போதாவிட்டால் போட்டு தேவையான தண்ணீர் சேர்த்து தோசைக்கல்லில் தோசைகளாக சுட்டு எடுக்கவும்.