தேவையான பொருட்கள்

ரவை - 1/2 கப்,
சர்க்கரை - 3/4 கப்,
பீட்ரூட் சாறு  - 1 கப்,
தண்ணீர் - 1/2 கப்,
நெய் - 6 டீஸ்பூன்,
முந்திரி - 8 - 10,
ஏலக்காய் பவுடர் - 1/4 டீஸ்பூன்,
உலர்திராட்சை - 5 - 7.

செய்முறை

முதலில் வாணலியில் 1 ஸ்பூன் நெய் விட்டு முந்திரி பருப்பு, உலர் திராட்சையை பொன் நிறமாக வறுத்து தனியாக எடுத்துக் கொள்ளவும். அதே நெய் வாணலியில்  ரவையை 4 நிமிடத்திற்கு மணம் வரும்வரை   மிதமான தீயில்  பொன் நிறமாக  வறுத்து ஒரு பாத்திரத்தில் எடுத்துக் கொள்ளவும். கடாயில் 1 கப் பீட்ரூட் சாறு,  1/2 கப் தண்ணீர் சேர்த்து சிறிது நேரம்  கொதிக்க  விடவும். அடுப்பை மிதமான தீயில்  வைத்து கொதித்த நீரில் ரவையை கொஞ்சம் கொஞ்சமாக கொட்டி கட்டி இல்லாமல் கிளறவும். 5 நிமிடம் மூடி வைத்து வேக விடவும். இப்பொழுது சர்க்கரை சேர்த்து கரையும் வரை கிளறவும். நெய்,  ஏலக்காய் தூள் சேர்த்து கிளறவும். நெய்யில் வறுத்த முந்திரி, உலர் திராட்சை சேர்த்து பரிமாறவும்.