தேவையான பொருட்கள்

பச்சரிசி - 1 கப்,
பால் - 4 கப்,  
வெல்லம் - 3 கப்,
பயத்தம்பருப்பு - 1/4 கப்,
நெய் - 6 டேபிள் ஸ்பூன்,
ஏலப்பொடி - 1 டீஸ்பூன்,
முந்திரித்துண்டுகள் - 3 டேபிள் ஸ்பூன்,
பச்சைக்கற்பூரம் - 1/2 டீஸ்பூன்.

செய்முறை

அரிசி, பருப்பு இரண்டையும் கழுவி குக்கரில் குழைய பால் மட்டும் சேர்த்து வேக விடவும். (நீர் சேர்க்கத் தேவை இல்லை) குழைய வெந்த கலவையில் வெல்லத்தினைச் சேர்த்து கொதி விட்டு ஏலப்பொடி சேர்த்து பச்சைக்கற்பூரத்தைப் பொடித்துச் சேர்த்து இடையிடையே 4 டீஸ்பூன் நெய்யினைச் சேர்க்கவும். எல்லாம் ஒன்றாக கலந்து பாத்திரத்தில் ஒட்டாமல் வரும் போது, மீதியுள்ள நெய்யில் முந்திரியை வறுத்துச் சேர்த்து இறக்கவும்.