என்னென்ன தேவை?

பொடியாக நறுக்கிய இளநீர் வழுக்கை தேங்காய் - 100 கிராம்,
ஜவ்வரிசி - 50 கிராம்,
துருவிய வெல்லம் - 150 கிராம்,
பால் - 100 மி.லி.,
தேங்காய்ப்பால் - 200 மி.லி.,
பொடியாக நறுக்கிய பிஸ்தா,
பாதாம் - தலா 1 டேபிள்ஸ்பூன்,
தண்ணீர் - 300 மி.லி.,
நெய் - 1 டேபிள்ஸ்பூன்.

எப்படிச் செய்வது?

பாத்திரத்தில் ஜவ்வரிசி, தண்ணீர் சேர்த்து வேகவைக்கவும். நான்ஸ்டிக் பேனில் நெய் சேர்த்து வெந்த ஜவ்வரிசியைச் சேர்த்து வதக்கவும். அதனுடன் வெல்லத்துருவல், ஏலக்காய்த்தூள் சேர்த்து பிரட்டவும். பின்பு அதில் பால் சேர்த்து சிறிது நேரம் மிதமானச் சூட்டில் கொதிக்க விடவும். பொடியாக நறுக்கிய வழுக்கை இளநீர் தேங்காய், பிஸ்தா, பாதாம் கலந்து 5 நிமிடங்கள் மிதமானச் சூட்டில் கொதிக்க விடவும். ஓரளவு ஜவ்வரிசி கலவை தயாரானதும், தேங்காய்ப்பாலைச் சேர்த்து சிம்மில் வைத்து லேசாக கொதிக்க விட்டு இறக்கவும். கண்ணாடி பவுலில் ஊற்றி சூடாகவோ அல்லது ஜில்லென்றோ பரிமாறவும்.

குறிப்பு: கீர் மிகவும் கடினமாக இல்லாமல், குடிக்கும் பதத்திற்கு இருக்க வேண்டும்.