SUN குழுமத்திலிருந்து வெளிவரும் காலை நாளிதழ்

மலபார் மீன் கறி

2020-01-07@ 15:54:42

தேவையானவை

மீன் - 1 கிலோ
தேங்காய் - ஒரு மூடி
புளி - 50 கிராம்
இஞ்சி, பூண்டு - 50 கிராம்
பல்லாரி - 2
தக்காளி - 2
பச்சை மிளகாய் - 5
சின்ன வெங்காயம் - 100 கிராம்
வெந்தயம் - 1 ஸ்பூன்
மிளகாய்த்தூள் - 2 ஸ்பூன்
மல்லித்தூள் - 3 ஸ்பூன்
மஞ்சள்த்தூள் - 1 ஸ்பூன்
தேங்காய் எண்ணெய் - 1 குழிக்கரண்டி
கறிவேப்பிலை - சிறிதளவு


செய்முறை

மீனை நன்றாக சுத்தம் செய்து கொள்ளவும். தேங்காயை மிக்சியில் அரைத்து பால் எடுக்கவும். முதல் பாலை தனியாக வைத்துவிட்டு மீண்டும், இரண்டு முறை பால் எடுத்து தனியாக வைத்துக் கொள்ளவும். புளியை சிறு துண்டுகளாக வெட்டி வெந்நீரில் போட்டு வையுங்கள். பூண்டு, பச்சை மிளகாய், இஞ்சி, சின்ன வெங்காயம் அனைத்தையும் தட்டி வைத்துக் கொள்ளவும். பல்லாரியை நீளமாகவும், தக்காளியை சிறு துண்டுகளாகவும் வெட்டிக் கொள்ளவும். வாணலி தேங்காய் எண்ணெய் சூடானதும் வெந்தயம், கறிவேப்பிலையை போட்டு தாளிக்கவும். இத்துடன் சின்ன வெங்காயம், பூண்டு, இஞ்சி, பச்சை மிளகாயை போட்டு 2 நிமிடம் வதக்கவும்.

பிறகு வெட்டி வைத்து இருக்கும் பல்லாரியை சேர்த்து நன்றாக வதக்கவும். தொடர்ந்து தக்காளி, உப்பை சட்டியில் போட்டு வதக்கவும். தீயை மிதமாக வைத்து, அனைத்து பொடிகளையும் போட்டு கிளறவும். பின் ஊறிய புளி, இரண்டாவதாக எடுத்த தேங்காய் பாலையும் சேர்த்து 2 நிமிடம் கொதிக்க விடவும். அதன் பிறகு மீனை போட்டு மிதமான தீயில் 10 நிமிடம் வேக வைக்கவும். பின்னர் முதல் தேங்காய்ப்பாலை ஊற்றி அது கொதிக்கும் முன் அடுப்பை அனைத்து விடவும். இப்போது ஒரு ஸ்பூன் தேங்காய் எண்ணெயை ஊற்றி மூடி வைத்துவிட்டு 2 மணி நேரத்துக்குப் பின் சாப்பிடவும்.

மேலும் செய்திகள்

Like Us on Facebook Dinkaran Daily News
  • pakisthan21

    ஆப்கானிஸ்தானில் உள்ள பாகிஸ்தான் தூதரகத்தில் ஏற்பட்ட கூட்ட நெரிசலில் சிக்கி பெண்கள் உள்பட 15 பேர் பலி!: புகைப்படங்கள்

  • kasirangaa21

    கொரோனா தொற்றால் மூடப்பட்டிருந்த அசாம் காசிரங்கா தேசியப்பூங்கா, உயிரியல் பூங்காக்கள் சுற்றுலாப் பயணிகள் பார்வைக்காக மீண்டும் திறப்பு!: புகைப்படங்கள்

  • kamaladance21

    அமெரிக்க தேர்தல் 2020: அனல் பறக்கும் பிரச்சாரத்திற்கு இடையே குடையுடன் கூல் நடனமாடிய கமலா ஹாரிஸ்.. வைரலாகும் புகைப்படங்கள்

  • thirupati21

    திருப்பதி ஏழுமலையான் கோவிலில் நவராத்திரி பிரம்மோற்சவ விழா: கருட வாகனத்தில் மலையப்ப சுவாமி எழுந்தருளி பக்தர்களுக்கு காட்சி..!!

  • police21

    காவலர் வீர வணக்க நாள்: நாட்டைப் பாதுகாப்பதற்காக, வீரதீர செயல்களில் ஈடுபட்டு உயிர் தியாகம் செய்த காவலர்களின் நினைவு சின்னத்தில் உயரதிகாரிகள் மலர்த்தூவி மரியாதை..!!

படங்கள் வீடியோ கல்வி சினிமா ஜோ‌திட‌ம்