பட்டாணியை இரவே ஊறவைக்கவும். இதனை உப்பு, மஞ்சள் தூள் வேகவைத்து வடிகட்டி தனியே வைக்கவும். கடாயில் எண்ணெய் சேர்த்து அதில் இஞ்சி, பூண்டு சேர்த்து வதக்கி, உடன் வெங்காயம், பச்சை மிளகாய், தக்காளி சேர்த்து நன்கு வதக்கவும். எண்ணை தனியாக பிரிந்து தக்காளி எல்லாம் மசிந்து சுருண்டு வரும் வரை வதக்க வேண்டும். பிறகு வேகவைத்துள்ள பட்டாணியை சேர்த்து நன்றாக கிளறவும். இதில் எல்லா மசாலா பொருட்களையும் சேர்த்து நன்கு வதக்கவும். பிறகு சிறதளவு தண்ணீர் சேர்த்து பச்சை வாசனை போகும் வரை கொதிக்க விடவும். கடைசியாக வெண்ணெய், கிரீம் மற்றும் கொத்தமல்லி தழையை சேர்த்து அலங்கரிக்கவும். இதை சமோசாவுடன் சேர்த்து சாப்பிட்டால் சுவையாக இருக்கும்.