தேவையான பொருட்கள்:

மட்டன்-1/2 கிலோ,
பல்லாரி-2,
இஞ்சி, பூண்டு விழுது-2 ஸ்பூன்,
தனியாத்தூள்-2 ஸ்பூன்,
மிளகாய்த்தூள்-2 ஸ்பூன்,
மஞ்சள் தூள்-அரை ஸ்பூன்.

தாளிக்க:

எண்ணெய்-100 மில்லி,
பெருஞ்சீரகம்-1 ஸ்பூன்,
கறிவேப்பிலை-சிறிதளவு,
மிளகாய் வத்தல்-4,
இஞ்சி-சிறு துண்டு,
கொத்தமல்லி தழை -அரை கப்,
புதினா இலை-1/4 கப்,
கரம்மசாலா தூள்-1 ஸ்பூன்,
தேங்காய் விழுது-கால் கப்.

செய்முறை:

மட்டனை நன்றாக சுத்தம் செய்யவும். பொடியாக நறுக்கிய பல்லாரி, இஞ்சி, பூண்டு விழுது, தனியாத்தூள், மிளகாய்த்தூள், மஞ்சள் தூள் சேர்த்து தண்ணீர் ஊற்றி குக்கரில் வேக வைக்கவும். வாணலியில் எண்ணெய் ஊற்றி காய்ந்ததும் பெருஞ்சீரகம், கறிவேப்பிலை, மிளகாய் வத்தலை சேர்த்து தாளிக்கவும். இத்துடன் வேக வைத்த மட்டனை சேர்த்து, தண்ணீர் வற்றும் வரை அடுப்பில் வைத்திருக்கவும். இத்துடன் தேங்காய் விழுதை சேர்த்து வேக விடவும். பின் கரம் மசாலா தூளை தூவி நன்கு கிளறி இறக்கவும். சுவையான மதுரை மட்டன் மசாலா ரெடி.