தேவையான பொருட்கள்

வெண்டைக்காய்த்துண்டுகள் - 1 கப்,
தயிர் -  1/2 கப்,
தேங்காய்த்துருவல் - 1/2 கப்,
பச்சை மிளகாய் - 2,
உப்பு, கடுகு, எண்ணெய், கறிவேப்பிலை - தேவையான அளவு,
காய்ந்த மிளகாய் - 1,
சீரகம் - 1 டீஸ்பூன்.

செய்முறை

ஒரு கடாயில் எண்ணெய் ஊற்றிக் காய்ந்ததும் கடுகு சேர்க்கவும். கடுகு வெடித்ததும் வெண்டைக்காய்த்துண்டுகளை சேர்த்து வதக்கவும். உப்பு, கறிவேப்பிலை சேர்க்கவும். காய்ந்த மிளகாய் சேர்க்கவும். பச்சை மிளகாய், தேங்காய்த்துருவல், சீரகம் சேர்த்து விழுதாக அரைக்கவும். அரைத்த விழுதை வெண்டைக்காய் கலவையில் சேர்த்து தேவையான தண்ணீர் சேர்த்துக் கொதிக்க விடவும். ஆறிய பிறகு தயிர் சேர்த்து கலந்து பரிமாறவும். மூளைக்கு வலிமை சேர்ப்பதில்
வெண்டைக்காய் முக்கிய பங்கு வகிக்கிறது.