என்னென்ன தேவை?

முட்டைகோஸ் - 200 கிராம்,
உப்பு - தேவைக்கு,
புருஸீல்ஸ் - 50 கிராம்,
கரம்மசாலாத்தூள் - சிறிது,
பச்சை குடைமிளகாய் - 1,
பூண்டு - 5 பல்,
மிளகுத்தூள் - 1½ டீஸ்பூன்,
எண்ணெய் - 2 டீஸ்பூன்,
பர்ப்பில் முட்டைகோஸ் - 100 கிராம்,
வெங்காயம் - 1/2 கப்,
இஞ்சி விழுது - 1 டீஸ்பூன்,
கறிவேப்பிலை - சிறிது,
கடுகு, உளுத்தம்பருப்பு - 1 டீஸ்பூன்,
சீரகம் - 1 டீஸ்பூன்.

எப்படிச் செய்வது?

காய்களை பொடியாக நறுக்கிக் கொள்ளவும். கடாயில் எண்ணெயை காயவைத்து கடுகு, உளுத்தம்பருப்பு தாளித்து நறுக்கிய பூண்டு, இஞ்சி விழுது, நறுக்கிய வெங்காயத்தை சேர்த்து வதக்கி கரம்மசாலாத்தூள், மிளகுத்தூள், முட்டைகோஸ், புருஸீல்ஸ், பர்ப்பில் முட்டைகோஸ், குடைமிளகாயை போட்டு நன்கு கிளறி உப்பு, 50 மி.லி. தண்ணீர் சேர்த்து காய்களை வேகவிடவும். வெந்ததும் இறக்கி நறுக்கிய கறிவேப்பிலையைத் தூவி அலங்கரித்து பரிமாறவும்.