SUN குழுமத்திலிருந்து வெளிவரும் காலை நாளிதழ்

செல்வத்தை ஈர்க்கும் புதன்கிழமை பிரதோஷம்

2020-10-28@ 10:13:05

பிறந்த தோஷம், பிறவி தோஷம், பிற தோஷங்களைப் போக்கக் கூடிய சித்தர்களின் சூட்சும வழிபாட்டு முறைக்கு பெயர் தான் பிரதோஷம். நெடுங்காலங்களுக்கு முன் சித்தர்கள் மட்டும் வழிபாடு செய்து வந்தனர். அதன் பின்னர் சித்தர்கள் வழியில், ஆன்மிக நெறியைப் பின்பற்றி வந்தவர்களும், அதன் பின்னர் மிகவும் பிரபலமான சில ஆன்மிக பிரியர்கள் செய்துவந்தனர். தற்போது பிரதோஷத்தின் அருமையும், பெருமையும் அறிந்ததால், அனைத்து மக்களும் பிரதோஷத்திற்காக சிவ ஆலயத்தை நோக்கி செல்கிறார்கள். நாம் பிரதோஷ தினத்தில் சிவ ஆலயத்திற்குச் சென்று வழிபட்டால், வாழ்வில் இருக்கும் அனைத்து பாவங்களும், தோஷங்களும் காணாமல் போகும். நான் உரைக்கும் வார்த்தைகள் எல்லாம், நாயகன் உரைக்கும் வார்த்தைகள் என்று என பெரியவர்கள் சொல்வார்கள்.

புதன் பிரதோஷம் :

பொன் கிடைத்தாலும் புதன் கிடைக்காது என்பார்கள். புதன் என்பது செல்வத்தை அள்ளித்தரக்கூடிய ஒரு பொன்னான நாள். அந்த நாளில் யார் ஒருவர் விரதம் இருந்து பிரதோஷ வழிபாடு செய்கிறார்களோ, அவர்களின் வாழ்வில் செல்வம் பெருகும். செல்வம் என்பது பணம் மட்டுமல்ல... அறிவுச் செல்வம், ஆரோக்கியம், குழந்தை செல்வம், திருமண பாக்கியம், குடும்ப ஒற்றுமை என 16 வகையான செல்வங்கள் இருக்கின்றன. அந்த 16 செல்வங்களைப் பெற புதன் கிழமைகளில் வரும் பிரதோஷ வழிபாடு தான் சிறந்த நாள். புதன் கிழமையில் வரும் பிரதோஷ விரதம் இருப்பவர்கள், செவ்வாய் கிழமை மாலையிலேயே நன்றாக குளித்து சிவ ஆலயத்திற்கு சென்றோ அல்லது வீட்டிலிருந்தோ சிவனை வழிபட்டு

'ஓம் நமசிவாய”

என்ற மந்திரத்தை கிழக்கு திசை நோக்கி அமர்ந்து 108 முறை உச்சரிக்க வேண்டும். பின்னர் இரவு எளிய உணவு எடுத்து உறங்கிவிடுங்கள்.

புதன் கிழமை காலையில் எழுந்து குளித்து, அருகில் உள்ள சிவ ஆலயத்திற்கு செருப்பு போடாமல் நடந்து சென்று சிவ பெருமானையும், நந்தி பகவானையும் வழிபட்டு, நான் புதன் கிழமை பிரதோஷ விரதம் இருக்கின்றேன், என் வாழ்க்கையில் இருக்கும் அத்தனை செல்வ தடைகளும் காணாமல் போக வேண்டும் என வேண்டி கோயிலில் அமர்ந்து 108 முறை ‘ஓம் நமசிவாய’ மந்திரத்தை கொடிமரத்திற்கு அருகில் அல்லது, தல விருச்சத்திற்கு அருகில் அல்லது நந்தி பகவானுக்கு அருகில் அமர்ந்து உச்சரிக்கவும். மீண்டும் 4 மணிக்கு சிவ ஆலத்திற்கு சென்று நந்தி பகவானுக்கு அருகம்புல் மாலை அணிவித்தால் தொழில் தடைகள் நீங்கும். சிவனுக்கு அர்ச்சனை செய்யுங்கள்.

மேலும் செய்திகள்

Like Us on Facebook Dinkaran Daily News
  • 02-12-2020

    02-12-2020 இன்றைய சிறப்பு படங்கள்

  • pramos1

    கப்பலை மிக துல்லியமாக தாக்கி அழிக்கும் பிரமோஸ் ஏவுகணையை வெற்றிகரமாக பரிசோதித்தது இந்தியா..!!

  • pamaka1

    20% இடஒதுக்கீடு போராட்டம்: சென்னையில் மின்சார ரயில் மீது பாமக-வினர் சரமாரி கல்வீசி தாக்குதல்...புகைப்படங்கள்!!

  • jammuele1

    ஜம்மு - காஷ்மீரில் மாவட்ட வளர்ச்சி கவுன்சில் தேர்தல்!: 2ம் கட்ட வாக்குப்பதிவு தொடங்கியது..ஆர்வமுடன் வாக்களிக்கும் மக்கள்..!!

  • nuclearscientist1

    ஈரானில் கொல்லப்பட்ட அணு விஞ்ஞானியின் உடல் டெஹ்ரான் நகரில் அடக்‍கம்!: இறுதி ஊர்வலத்தில் ஏராளமானோர் பங்கேற்பு..!!

படங்கள் வீடியோ கல்வி சினிமா ஜோ‌திட‌ம்