SUN குழுமத்திலிருந்து வெளிவரும் காலை நாளிதழ்

துயர் துடைக்கும் ராமநாமம்

2020-04-01@ 15:12:36

நீண்ட வானம் அகண்ட கடல்- தன்
அளவை சுருக்கி ராமன் விழியானது!
மலைகள் பணிந்து தேகமானது
மலர்கள் மகிழ்ந்து முகமானது!

மவுனம் பேசும் ஒருவேதம்
மறம் பேசும் ஒருவேதம்
அறம் பேசும் ஒருவேதம்
நட்பு பேசும் ஒருவேதம்
கரியசெம்மல் உருவே நால்வேதம்!

கவலை தடுக்கும் ராமநாமம்!

ரகுவரன் நிழலாய் நடந்தாள்
இருவிழியில் அவனை சுமந்தாள்!

இதயத்தில் இறைவனை குடிவைத்து
இமைசிறகு விரித்து பறந்தாள்!

தன்னலம் விரும்பாது ராமன்
நன்னலம் சிந்தையேற்று
நற்சேவையில்  கலந்திட்ட
நற்குலமங்கை சீதையும்
நடைசிறந்த ராமனும் இருவரல்ல!

பயணங்கள் ஆறு -அதன்
பாதைகள் வேறு- ஜானகி
விழிதரும் கவிதை ஒருநூறு!

தர்மம் சிறைபட்டு அழுகிறது
கர்மவினைகள் தொடர்கிறது
மர்மத்தில் பூமி சுழல்கிறது
மயக்கத்தில் உயிரினம் மிதக்கிறது
மாயமான் விலக கணை தொடுப்பாய்
மறுஅவதாரம் எடுத்து வந்து
மானிடம் மீட்டு காப்பாய்
மனம் திரேதாயுகம் காணட்டும்
மனிதகுலம் ராமனை வாழ்த்தட்டும்
மாற்றங்கள் உலகில் நிகழட்டும்!

நுங்குவடிவ இதயத்தில்
நுரைபொங்கும் ஆசைகள்
அலையாகும் துன்ப வாழ்வில்
அணைபோட்டு காப்பாய் ராமா!

பங்குகொண்டு படகு போட்டியில்
பத்திரமாய் கரைசேர துணையாவாய் ராமா!

சங்கு சக்கரத்துடன் பிறந்து
சத்திய பாதை சென்று
சரித்திரம் படைத்தாய் ராமா
தெரிந்தும் தெரியாமல் நான்
செய்த தவறுகள் கோடியதை
கணக்கிடும் நேரம் இதுவோ ராமா!

கருணை வடிவே எனக்கு
அருள்புரி உடனே ராமா!

விஷ்ணுதாசன்

மேலும் செய்திகள்

Like Us on Facebook Dinkaran Daily News
  • asusiiiee_dravviii1

    ஆஸ்திரேலிய அணிக்கு எதிராக இளம் இந்திய அணி இமாலய வெற்றி :... வேற லெவல் சாதனை என குவியும் பாராட்டுக்கள்!!

  • korona-death19

    கொரோனா வைரஸ் தாக்குதலால் ஸ்தம்பிக்கும் உலக நாடுகள்!: பலியானோர் எண்ணிக்கை 20 லட்சத்தை தாண்டியது..!!

  • tn-school19

    தமிழகம் முழுவதும் 10, 12ம் வகுப்பு மாணவர்களுக்கு பள்ளிகள் திறப்பு!: உற்சாகமுடன் ஆசிரியர்கள், மாணவர்கள் வருகை..!!

  • jesee_chrrr1

    3டி முறையில் ஸ்கேன் செய்யப்பட்ட உலக அதிசயமான ஏசு கிறிஸ்து சிலை... உலகம் இதுவரை பார்த்திராத சிலையின் உள்புறக் காட்சிகள்!!

  • 19-01-2021

    19-01-2021 இன்றைய சிறப்பு படங்கள்

படங்கள் வீடியோ கல்வி சினிமா ஜோ‌திட‌ம்