தேவையான பொருட்கள்:

மைதா: கால் கிலோ,
உப்பு - ஒரு சிட்டிகை,
நெய் - 2 டேபிள்ஸ்பூன்.
பால்கோவா, சர்க்கரை -தலா அரை கப்,
பொடித்த ஏலக் காய் - 2 டீஸ்பூன்,
பொடித்த முந்திரி - 2 டேபிள்ஸ்பூன்.
சர்க்கரை  - 2 கப்,
தண்ணீர்  - 1 கப்.

செய்முறை

முதலில் மைதா, உப்பு, நெய் சேர்த்து சிறிதளவு தண்ணீர் ஊற்றி, அழுத்திப் பிசைந்து கொள்ளவும். பூரணம் செய்ய தரப்பட்டுள்ள பொருட்களை கலந்து கொள்ளவும். சர்க்கரை, தண்ணீர் இரண்டையும் கலந்து கொதிக்கவிட்டு பிசுக்குப் பதம் வந்தவுடன் இறக்கிவைக்கவும். பிசைந்த மாவை சிறுசிறு வட்டங்களாக இட்டு … தயாராக வைத்துள்ள பூரணத்தை உள்ளே வைத்து மடித்து ஓரத்தை ஒட்டி, பிறகு ஓரத்தை சிறிது வடிவமைத்து, சூடான எண்ணெயில் பொரித்தெடுத்து… சூடான சர்க்கரைப் பாகில் நனைத்து எடுக்கவும். சுவையான சந்திரகலா தயார்.