SUN குழுமத்திலிருந்து வெளிவரும் காலை நாளிதழ்

நெல்லை டவுன் திருப்பணிமுக்கு சங்கிலிபூதத்தார், பேச்சியம்மன் கோயிலில் இன்று கும்பாபிஷேகம்

2019-09-04@ 14:02:33

நெல்லை:  நெல்லை டவுன் திருப்பணிமுக்கு பூதத்தார் காம்பவுன்ட் சங்கிலிபூதத்தார், பேச்சியம்மன் கோயில் கும்பாபிஷேகம் இன்று நடந்தது. நெல்லை டவுன் திருப்பணிமுக்கு பகுதியில் பூதத்தார் காம்பவுன்டில் அருள்பாலித்து வரும் சங்கிலிபூதத்தார், பேச்சியம்மன் கோயிலில் ஜீர்ணோத்தாரண அஷ்டபந்தன மஹா கும்பாபிஷேகம் இன்று நடந்தது. முன்னதாக கும்பாபிஷேக விழா கடந்த 3ம் தேதி அதிகாலை மங்கள இசை, விக்‌னேஷ்வர பூஜையுடன் துவங்கியது. தொடர்ந்து பஞ்சகவ்ய பூஜை, மஹா கணபதி வேதிகார்ச்சனை, மஹா கணபதி ஹோமம் நவக்கிரக ஹோமம், சுதர்சன ஹோமம், மகாலட்சுமி ஹோமம் முதலான பல்வேறு ஹோமங்கள், வேத பாராயணம், திருமுறை பாராயணம், கஜ பூஜை, கோ பூஜை, அஸ்வபூஜை என பல்வேறு பூஜைகள் நடந்தன.

 இதைத்தொடர்ந்து நேற்று மாலை மாலை 5 மணிக்கு தாமிரபரணி நதிக்கரையில் இருந்து ஊர்வலமாக தீர்த்தம்  எடுத்துவந்தனர். மாலை 6 மணிக்கு மேல் தீர்த்த சங்கிரஹணம், வாஸ்து சாந்தி பூஜை, வாஸ்து ஹோமம் முதலான பல்வேறு பூஜைகளை தொடர்ந்து கடம் யாகசாலை பிரவேசத்துடன் முதற்கால யாகசாலை பூஜை துவங்கியது. இரவு 10.15 மணிக்கு  பீடபூஜை, யந்திர ஸ்தாபனம், அஷ்டபந்தன மருந்து சார்த்தும் வைபவம் நடந்தது. கும்பாபிஷேக தினமான இன்று (4ம் தேதி)  அதிகாலை 4 மணிக்கு மேல் மங்கள இசை, திருமுறை பாராயணத்துடன் 2ம் கால யாகசாலை பூஜை மற்றும் பஞ்சகவ்ய பூஜை, பிம்ப சுத்தி, மூர்த்திகளுக்கு ரக்சாபந்தனம், மூல மந்திரஜெபம், ஹோமம், நாடி சந்தானம், யாத்ரா தானம் நடந்தது.

 காலை 6 மணிக்கு மேல் கடம் புறப்பாடு, விமான கும்பாபிஷேகம், சங்கிலி பூதத்தார், பேச்சியம்மன் மற்றும் பரிவார மூர்த்திகளுக்கு மஹா கும்பாபிஷேகம் நடந்தது. காலை 10 மணிக்கு மஹா அபிஷேகம், சிறப்பு அலங்கார தீபாராதனை மஹேஸ்வர பூஜை, அன்னதானம் நடந்தது.. மாலை 6.30 மணிக்கு சிறப்பு அலங்காரத்துடன் லலிதா ஸகஸ்ர நாம அர்ச்சனை, சோடஷ உபசார தீபாராதனை, பிரசாதம் வழங்கல் நடைபெறும். விழாவில் நெல்லை மற்றும் சுற்று வட்டாரத்தை சேர்ந்த பக்தர்கள் திரளாகப் பங்கேற்கின்றனர்.ஏற்பாடுகளை திருப்பணி முக்கு பூதத்தார் காம்பவுன்ட் கோயில் விழா கமிட்டியார் செய்துள்ளனர்.

மேலும் செய்திகள்

Like Us on Facebook Dinkaran Daily News
  • andra_tirup1thu

    ஆந்திராவில் நிவர் புயல்... திருப்பதியில் கனமழையால் வெள்ளப்பெருக்கு!!

  • stalinnivaranmmmm

    சென்னையில் மழை, புயலால் பாதிக்கப்பட்ட மக்களுக்கு நலத்திட்ட உதவிகளை வழங்கினார் மு.க.ஸ்டாலின்

  • tamil_rainnnn111

    தமிழகம், புதுச்சேரியில் நிவர் புயல் ருத்ரதாண்டவம்... வெள்ளக்காடானது சென்னை புறநகர் பகுதிகள்!!

  • humanbodies23

    2,000 ஆண்டுகளுக்கு முன் எரிமலை வெடிப்பிலிருந்து தப்பிக்க முயன்ற 2 மனித உடல்கள் இத்தாலியில் கண்டுபிடிப்பு!: புகைப்படங்கள்

  • jammu23

    ஜம்மு காஷ்மீரில் நிலவும் கடுங்குளிர்!: தரை, வீடுகளின் கூரைகள், வாகனங்களின் மேற்பகுதி ஆகியவை பனி உறைந்து வெண்ணிறமாக காட்சி..!!

படங்கள் வீடியோ கல்வி சினிமா ஜோ‌திட‌ம்