SUN குழுமத்திலிருந்து வெளிவரும் காலை நாளிதழ்

ஆவணி மூலத்திருவிழாவில் சுந்தரேஸ்வரர் மாணிக்கம் விற்ற லீலை : மீனாட்சியம்மன் கோயிலில் கோலாகலம்

2019-09-04@ 11:47:50

மதுரை, : மீனாட்சியம்மன் கோயிலின் மகத்தான ஆவணி மூலப் பெருவிழாவின் முக்கிய நிகழ்ச்சியாக சுந்தரேஸ்வரர் வியாபாரியாக வந்து, மாணிக்கம் விற்ற லீலை நடத்தப்பட்டது.மதுரை மீனாட்சி அம்மன் கோயிலில் மாதம்தோறும் திருவிழா நடந்து வருகிறது. சித்திரைத் திருவிழாவிற்கு அடுத்ததாக, முக்கிய திருவிழாவாக ஆவணி மூலத்திருவிழா உள்ளது. இவ்விழாவில் சுந்தரேஸ்வரர் நடத்திய திருவிளையாடல்களில் 10 திருவிளையாடல்கள் அடுத்தடுத்து நிகழ்த்திக் காட்டப்படுகின்றன. ஆக. 26ல் கொடியேற்றத்துடன் துவங்கிய விழாவில், செப். 1 முதல் கருங்குருவிக்கு உபதேசம் வழங்கிய லீலை துவங்கி ஒவ்வொரு திருவிளையாடல் நிகழ்வும் நடத்தப்பட்டு வருகிறது.

நேற்று முன்தினம் நாரைக்கு முக்தி கொடுத்த லீலை நடந்தது. இதன் தொடர்ச்சியாக நேற்று காலை 9 மணியளவில் அம்மன், சுவாமி தங்கச்சப்பரத்தில் எழுந்தருளி கீழச்சித்திரை வீதி, தெற்காவணி மூல வீதி வழியாக வந்து ஒண்டிமுத்து பிள்ளை மண்டபத்தில் எழுந்தருளினர். திருவிளையாடல் நிகழ்வின் 3ம் நாளான நேற்று  மாணிக்கம் விற்ற லீலை நடந்தது. இரவு 7 மணிக்கு அம்மன் காமதேனு வாகனத்திலும், சுவாமி கைலாசபர்வத வாகனத்திலும் எழுந்தருளி ஆவணி மூல வீதிகளில் வலம் வந்தனர்.சிவபெருமானின் திருவிளையாடலான மாணிக்கம் விற்ற லீலையின் விபரம் வருமாறு:

 மதுரையை ஆண்ட வீரபாண்டிய மன்னன் வேட்டைக்கு சென்ற போது புலியால் கொல்லப்பட்டார். அச்சமயம் அரசரது காமக்கிழத்தியரின் மகன்கள் அரண்மனைக்குள் புகுந்து சகல செல்வங்களையும், மணிமகுடத்தையும் கொள்ளையடித்து சென்று விட்டனர். மன்னருக்கும், ராணிக்கும் முறையாக பிறந்த இளவரசனுக்கு முடிசூட்டலாம் என அமைச்சர்கள் முடிவு செய்தனர். மணிமகுடம் முதலானவை களவு போனதை அறிந்து சுந்தரேஸ்வரரிடம் முறையிட எண்ணி கோயிலுக்குச் சென்றனர்.

அப்போது சுந்தரேஸ்வரர் ஒரு நவரத்தின வியாபாரியாக தோன்றி புதிய மணிமகுடம் செய்ய விலையுயர்ந்த நவமணிகளை வழங்கினார். மேலும், அம்மணிகளின் வரலாறு, குணம், குற்றங்கள், யார் எந்த மணியை அணிய வேண்டும் போன்ற செய்திகளையும் கூறினார். புதிய மகுடத்தை சூட்டி இளவரசரை அபிஷேகபாண்டியன் என அழையுங்கள் எனக்கூறி மறைந்தார். இதையடுத்து கவர்ந்து செல்லப்பட்ட செல்வங்களும், மணிமகுடமும் மீண்டும் கிடைக்கப் பெற்றது. அபிஷேகப் பாண்டியனும் செங்கோல் வழுவாமல் ஆட்சி புரிந்து நற்பெயர் பெற்றான்.
 விழாவின் 4ம் நாளான இன்று சிவபெருமான் தருமிக்கு பொற்கிழி வழங்கிய லீலை நடைபெறுகிறது.

மேலும் செய்திகள்

Like Us on Facebook Dinkaran Daily News
  • andra_tirup1thu

    ஆந்திராவில் நிவர் புயல்... திருப்பதியில் கனமழையால் வெள்ளப்பெருக்கு!!

  • stalinnivaranmmmm

    சென்னையில் மழை, புயலால் பாதிக்கப்பட்ட மக்களுக்கு நலத்திட்ட உதவிகளை வழங்கினார் மு.க.ஸ்டாலின்

  • tamil_rainnnn111

    தமிழகம், புதுச்சேரியில் நிவர் புயல் ருத்ரதாண்டவம்... வெள்ளக்காடானது சென்னை புறநகர் பகுதிகள்!!

  • humanbodies23

    2,000 ஆண்டுகளுக்கு முன் எரிமலை வெடிப்பிலிருந்து தப்பிக்க முயன்ற 2 மனித உடல்கள் இத்தாலியில் கண்டுபிடிப்பு!: புகைப்படங்கள்

  • jammu23

    ஜம்மு காஷ்மீரில் நிலவும் கடுங்குளிர்!: தரை, வீடுகளின் கூரைகள், வாகனங்களின் மேற்பகுதி ஆகியவை பனி உறைந்து வெண்ணிறமாக காட்சி..!!

படங்கள் வீடியோ கல்வி சினிமா ஜோ‌திட‌ம்