பாவூர்சத்திரம்:  கீழப்பாவூர் ருக்மணி சத்யபாமா சமேத வேணுகோபால கிருஷ்ணன் கோவிலில்  ஆண்டாள் திருக்கல்யாணம் நடந்தது. இதில் பக்தர்கள் சீர்வரிசையுடன் கலந்து கொண்டானர். கீழப்பாவூர் ருக்மணி சத்யபாமா சமேத வேணுகோபால கிருஷ்ணன் கோவிலில் மார்கழி மகோத்சவ விழாவில் ஆண்டாள் திருக்கல்யாணம் நடந்தது. முன்னதாக மாப்பிள்ளை அழைப்பு, பெண்கள் கோலாட்டம், கும்மி அடித்தல், தொடர்ந்து மாலைமாற்று வைபவம், ஊஞ்சல் சேவை, ஆண்டாள் கனவு கண்ட வாரணம் ஆயிரம் என்ற பிரபந்தம் மற்றும் அதற்கான பஜனை, கன்னிகாதானம், மாங்கல்ய தாரணம் ஆகியவை நடந்தது.  

பக்தர்கள் பழவகைகளை சீர்வரிசைகளாக கொண்டு வந்தனர். நிகழ்ச்சியில் கீழப்பாவூர் வட்டாரத்தை சேர்ந்த ஏராளமான பக்தர்கள் திரளாக கலந்து கொண்டனர். அனைவருக்கும் பிரசாதம் வழங்கப்பட்டது. வரும். 5ம்தேதி ஹனுமத் ஜெயந்தி மற்றும் ஜன.15 தைப்பொங்கல் விழாவையொட்டி சிறப்பு பூஜை, வழிபாடு நடைபெறவுள்ளது. ஏற்பாடுகளை கோயில் அர்ச்சகர் ரவி பட்டச்சாரியார், பக்தர்கள் செய்திருந்தனர்.