கிருஷ்ணகிரி: கிருஷ்ணகிரி மாவட்டம் பர்கூர் அடுத்த பிஆர்ஜி  மாதேப்பள்ளியில் ஸ்ரீதேவி, பூதேவி சமேத பெருமாள் கோயிலில் சிறப்பு பூஜைகள்  நடந்தது. சிறப்பு அபிஷேகம், அலங்காரம், பூஜைகளும், பக்தர்களுக்கு தீர்த்த  பிரசாதம் வழங்கப்பட்டது. காலை 10.30 மணியளவில் ஸ்ரீ சுதர்ஷண ஹோமம், 11.30  மணியளவில் சுவாமிக்கு திருக்கல்யாணம் நடந்தது. இதையடுத்து பக்தர்களுக்கு  அன்னதானம் வழங்கப்பட்டது. பின்னர் மாலை சுவாமி ஊர்வலம், பூஜை கூடை  புறப்படுதல், கருடகம்பம் விளக்கு ஏற்றுதல் நிகழ்ச்சியும், கலைநிகழ்ச்சிகள்  நடந்தது. இதில் திரளான பக்தர்கள் கலந்து கொண்டு சுவாமியை தரிசனம் செய்தனர்.