SUN குழுமத்திலிருந்து வெளிவரும் காலை நாளிதழ்

ஆவணியாபுரம் லட்சுமி நரசிம்மர் கோயில் பிரமோற்சவ திருக்கல்யாண உற்சவம்

2018-09-18@ 15:06:24

பெரணமல்லூர்:  பெரணமல்லூர் அடுத்த ஆவணியாபுரம் லட்சுமி நரசிம்மர் கோயிலில் நேற்று நடைபெற்ற சுவாமி திருக்கல்யாண உற்சவத்தில் திரளான பக்தர்கள் கலந்து கொண்டனர். பெரணமல்லூர் அருகே ஆவணியாபுரம் கிராமத்தில் பழமைவாய்ந்த லட்சுமி நரசிம்மர் கோயில் உள்ளது. இங்குள்ள சீனுவாச பெருமாள் சன்னதியில் கடந்த 13ம் தேதி புரட்டாசி பிரமோற்சவ கொடி ஏற்றப்பட்டது. தொடர்ந்து தினசரி மூலவர், உற்சவ மூர்த்திகளுக்கு அபிஷேக ஆராதனையும், இரவில் பல்வேறு அலங்காரத்தில் உற்சவர் சீனிவாச பெருமாள் எழுந்தருளி வீதிஉலா வந்து பக்தர்களுக்கு அருள்பாலித்து வருகிறார்.

இந்நிலையில், நேற்று 5ம் நாள் விழாயொட்டி காலை ஸ்ரீதேவி, பூதேவி சமேத சீனுவாச பெருமாளுக்கு சிறப்பு அபிஷேக ஆராதனைகள் நடந்தது. இரவு 7.30 மணிக்கு திருக்கல்யாண உற்சவம் நடைபெற்றது. இதில் சிறப்பாக அலங்கரிக்கப்பட்ட மணக்கோலத்தில் ஸ்ரீதேவி, பூதேவி சமேத சீனுவாச பெருமாளுக்கு ஆடல், பாடலுடன் மாலை மாற்றப்பட்டது. தொடர்ந்து, பட்டாச்சாரியார் முகுந்தன் தலைமையில் யாகம் வளர்க்கப்பட்டு திருமணம் நடைபெற்றது. இரவு 10 மணிக்கு மணக்கோலத்தில் சீனிவாச பெருமாள் கருட வாகனத்தில் எழுந்தருளி வீதி உலாவந்து பக்தர்களுக்கு அருள்பாலித்தார்.

மேலும் செய்திகள்

Like Us on Facebook Dinkaran Daily News
  • dog-police-2

    சென்னை எழும்பூர் காவல் அருங்காட்சியகத்தில் மோப்ப நாய்களின் சாகச நிகழ்ச்சி: ஆர்வமுடன் கண்டு ரசிக்கும் பள்ளி மாணவர்கள்...கை குலுக்கி உற்சாகம்..!!

  • MKStalin_Inspectetd_Thoothukudi

    தூத்துக்குடி மாவட்டத்தில் மழையால் ஏற்பட்ட பாதிப்புகளை நேரில் ஆய்வு செய்தார் தமிழ்நாடு முதலமைச்சர் மு.க.ஸ்டாலின்

  • IncomeTax_Raid_SaravanaStores

    சென்னையில் உள்ள அனைத்து சரவணா ஸ்டோரிஸ் கடைகளில் வருமான வரித்துறை சோதனை

  • Landslide_Tirupati

    திருப்பதி ஏழுமலையான் கோவிலுக்கு செல்லும் மலைப்பாதையில் மண்சரிவு

  • Pelicans_wild lake_Velachery

    வேளச்சேரி-மேடவாக்கம் கூட்டு சாலையில் உள்ள காட்டு ஏரியில் உணவுக்காக காத்திருக்கும் கூழைக்கடா (பெலிக்கான்) நீர்பறவைகள்

படங்கள் வீடியோ கல்வி சினிமா ஜோ‌திட‌ம்