SUN குழுமத்திலிருந்து வெளிவரும் காலை நாளிதழ்

Dinakaran Daily news

சதுரகிரி கோயிலில் ஆடி அமாவாசைக்காக அதிகாலை 3 மணிக்கே அனுமதி

2016-08-03@ 12:39:34

பல்லாயிரம் பேர் தரிசனம்

வத்திராயிருப்பு :
ஆடி அமாவாசையை முன்னிட்டு, சதுரகிரி மலைக்கோயிலில் பல்லாயிரக்கணக்கான பக்தர்கள் சுவாமி தரிசனம் செய்தனர். அதிகாலை 3 மணிக்கே பக்தர்கள் மலையேற அனுமதிக்கப்பட்டனர். விருதுநகர் மாவட்டம், வத்திராயிருப்பு அருகே சதுரகிரி சுந்தரமகாலிங்கம் மலைக்கோயில் உள்ளது. ஆடி அமாவாசையை முன்னிட்டு கடந்த ஜூலை 28ம் தேதி முதல் பக்தர்கள் மலையேற அனுமதிக்கப்பட்டனர். மழை காரணமாக 29ம் தேதி அனுமதிக்கப்படவில்லை.
ஆடி அமாவாசையையொட்டி, நேற்று முன்தினமே மலையடிவாரத்தில் ஆயிரக்கணக்கான பக்தர்கள் குவிந்தனர். நேற்று காலை 3 மணிக்கே தாணிப்பாறை கேட் திறக்கப்பட்டது. பக்தர்களின் உடமைகளை சோதனையிட்டு வனத்துறையினர் அனுமதித்தனர். ஆடி அமாவாசை, ஆடிப்பெருக்கு, குருபெயர்ச்சி ஒன்றாக வந்ததால், கடந்த ஆண்டைவிட பக்தர்கள் கூட்டம் நேற்று அதிகமாக இருந்தது. இதனால் காலை 9 மணி அளவில் மாங்கேணி பகுதியில் திடீர் நெரிசல் ஏற்பட்டது.

சிறிதுநேரத்தில் நிலைமை சீரானது. மாலை 7 மணி வரை பக்தர்கள் மலையேற அனுமதிக்கப்பட்டனர். பல்லாயிரக்கணக்கான பக்தர்கள் இந்நிகழ்வில் பங்கேற்றனர். விழாவையொட்டி, சதுரகிரி சுந்தரமகாலிங்கம் சுவாமிக்கு, காலை 6 மணிக்கு பால், பழம், பன்னீர், சந்தனம், இளநீர் என 18 வகையான அபிஷேகங்கள், சிறப்பு பூஜைகள் நடந்தன. சுவாமி சிறப்பு அலங்காரத்தில் காட்சியளித்தார். தாணிப்பாறை விலக்கில் இருந்து வண்டிப்பண்ணை அடிவாரம் வரை உள்ள  தோப்புகளில் பக்தர்கள் வாகனங்களுடன் முகாமிட்டிருந்தனர். நூற்றுக்கணக்கான ஆடுகளை பலியிட்டு, மொட்டை அடித்து நேர்த்திக்கடன் செலுத்தினர். கோயிலில் அன்னதானம் வழங்கினர். விழா ஏற்பாடுகளை கோயில் செயல் அலுவலர் வேல்முருகன் மற்றும் ஊழியர்கள் செய்திருந்தனர்.

மேலும் செய்திகள்

Dinakaran Daily news
Like Us on Facebook Dinkaran Daily News
  • brazil-rain-landslide-2

    தொடர் மழையால் அதிரும் பிரேசில்!: நீரில் அடித்து செல்லப்பட்ட வாகனங்கள்.. நிலச்சரிவில் சிக்கி 2 பேர் பலி..!!

  • kujarat-election

    குஜராத் மாநிலம் சட்டசபை தேர்தலில் வாக்களிக்க ஆப்பிரிக்க மக்களுக்கென பிரத்யேக பூத்: உணவு, ஆட்டம் பாட்டத்துடன் கொண்டாடிய மக்கள்..!

  • vinayagar-puduchery-30

    புதுச்சேரியை அதிரவைக்கும் மக்களின் அழுகுரல்.. மணக்குள விநாயகர் கோயில் யானை உயிரிழப்புக்காக கதறும் பக்தர்கள்..!!

  • sirpi-30

    சிற்பி திட்டத்தின் கீழ் மாணவ, மாணவியர்களுக்கான தேசப்பற்று குறித்த விழிப்புணர்வு நிகழ்ச்சி: அமைச்சர் அன்பில் மகேஷ் பங்கேற்பு

  • mauna-loa

    உலகின் மிகப்பெரிய மவுனா லோவா எரிமலையில் வெடிப்பு: ஹவாய் தீவில் வசிக்கும் மக்களுக்கு எச்சரிக்கை..!

படங்கள் வீடியோ கல்வி சினிமா ஜோ‌திட‌ம்