SUN குழுமத்திலிருந்து வெளிவரும் காலை நாளிதழ்

Dinakaran Daily news

அமர்க்களமாக துவங்கியது ஆடிப்பூர திருவிழா ஆண்டாள் கோயிலில் கொடியேற்றம்

2016-07-29@ 12:32:47

ஆக. 5ல் தேரோட்டம்

திருவில்லிபுத்தூர் :
திருவில்லிபுத்தூர் ஆண்டாள் கோயிலில் ஆடிப்பூர தேரோட்ட திருவிழா கொடியேற்றத்துடன் நேற்று காலை துவங்கியது. ஆக. 5ம் தேதி தேரோட்டம் நடைபெறுகிறது. விருதுநகர் மாவட்டம், திருவில்லிபுத்தூர் ஆண்டாள் கோயிலில் ஆண்டுதோறும் ஆடி மாதம் பூர நட்சத்திரத்தில் தேரோட்டம் நடைபெறும். இந்த ஆண்டுக்கான தேரோட்ட திருவிழா நேற்று காலை கொடியேற்றத்துடன் துவங்கியது. முன்னதாக கொடிப் பட்டம் கோயிலை சுற்றியுள்ள நான்கு மாட வீதிகளில் மேளதாளம் முழங்க ஊர்வலமாக எடுத்து வரப்பட்டது. கோயிலில் கொடிப் பட்டம், கொடிமரத்திற்கு சிறப்பு ஆராதனை, வழிபாடு நடத்தப்பட்டு கொடிமரத்தில் கொடி ஏற்றப்பட்டது. இதையொட்டி ஆண்டாள், ரெங்க மன்னாருக்கு சிறப்பு பூஜைகள் நடந்தன.

நிகழ்ச்சியில் தக்கார் ரவிச்சந்திரன், நிர்வாக அதிகாரி ராமராஜா, அறநிலையத்துறை அதிகாரிகள் மற்றும் ஏராளமான பக்தர்கள் கலந்து கொண்டனர். கொடியேற்றத்தையொட்டி திருவில்லிபுத்தூர் நகரமே விழாக்கோலம் பூண்டது. இன்ஸ்பெக்டர் முத்துக்குமார் தலைமையில் போலீசார் பாதுகாப்பு பணியில் ஈடுபட்டிருந்தனர். விழாவையொட்டி தினமும் ஆண்டாள், ரெங்கமன்னார் பல்வேறு அலங்காரத்தில் எழுந்தருளி பக்தர்களுக்கு காட்சியளிக்கின்றனர். ஆன்மிக சொற்பொழிவு, மாணவிகளின் பரதநாட்டிய நிகழ்ச்சி உள்ளிட்ட கலைநிகழ்ச்சிகள் நடைபெற உள்ளன. ஆக. 5ம் தேதி தேரோட்டம் நடைபெற உள்ளது. நேற்று இரவு முன்னோட்டமாக ரதவீதிகளில் தேரோட்டம் நடைபெற்றது.

மேலும் செய்திகள்

Dinakaran Daily news
Like Us on Facebook Dinkaran Daily News
  • brazil-rain-landslide-2

    தொடர் மழையால் அதிரும் பிரேசில்!: நீரில் அடித்து செல்லப்பட்ட வாகனங்கள்.. நிலச்சரிவில் சிக்கி 2 பேர் பலி..!!

  • kujarat-election

    குஜராத் மாநிலம் சட்டசபை தேர்தலில் வாக்களிக்க ஆப்பிரிக்க மக்களுக்கென பிரத்யேக பூத்: உணவு, ஆட்டம் பாட்டத்துடன் கொண்டாடிய மக்கள்..!

  • vinayagar-puduchery-30

    புதுச்சேரியை அதிரவைக்கும் மக்களின் அழுகுரல்.. மணக்குள விநாயகர் கோயில் யானை உயிரிழப்புக்காக கதறும் பக்தர்கள்..!!

  • sirpi-30

    சிற்பி திட்டத்தின் கீழ் மாணவ, மாணவியர்களுக்கான தேசப்பற்று குறித்த விழிப்புணர்வு நிகழ்ச்சி: அமைச்சர் அன்பில் மகேஷ் பங்கேற்பு

  • mauna-loa

    உலகின் மிகப்பெரிய மவுனா லோவா எரிமலையில் வெடிப்பு: ஹவாய் தீவில் வசிக்கும் மக்களுக்கு எச்சரிக்கை..!

படங்கள் வீடியோ கல்வி சினிமா ஜோ‌திட‌ம்