Thursday, March 28, 2024
Home » சென்ட்ரல் – அரக்கோணம் இடையே புறநகர் மின்சார ரயில் சேவையில் மாற்றம்; தெற்கு ரயில்வே அறிவிப்பு

சென்ட்ரல் – அரக்கோணம் இடையே புறநகர் மின்சார ரயில் சேவையில் மாற்றம்; தெற்கு ரயில்வே அறிவிப்பு

by Karthik Yash

சென்னை, ஜூன் 7: சென்னை சென்ட்ரல் – அரக்கோணம் இடையே பராமரிப்பு பணி காரணமாக புறநகர் ரயில் சேவையில் மாற்றம் செய்யப்பட்டுள்ளதாக தெற்கு ரயில்வே சென்னை கோட்டம் அறிவித்துள்ளது.
இதுகுறித்து நேற்று தெற்கு ரயில்வே சென்னை கோட்டம் சார்பில் வெளியிடப்பட்டுள்ள செய்தி குறிப்பு:
 பட்டாபிராம் மிலிட்டரி சைடிங்கில் இருந்து இரவு 9.10 மணிக்கு சென்னை சென்ட்ரல் செல்லும் மின்சார ரயில் நாளை ஆவடியுடன் நிறுத்தப்படும். ஆவடி – சென்ட்ரல் இடையே ரயில் சேவை தற்காலிகமாக ரத்து செய்யப்பட்டுள்ளது.
 அரக்கோணத்திலிருந்து அதிகாலை 4 மணிக்கு வேளச்சேரி செல்லும் மின்சார ரயில் இன்று மற்றும் வெள்ளிக்கிழமைகளில் அரக்கோணத்துடன் நிறுத்தப்படும். அரக்கோணம் – சென்னை கடற்கரை இடையே ரயில் சேவை தற்காலிகமாக ரத்து செய்யப்பட்டுள்ளது.
 வேளச்சேரியில் இருந்து இரவு 10.30 மணிக்கு பட்டாபிராம் மிலிட்டரி சைடிங் செல்லும் மின்சார ரயில் நாளை சென்னை கடற்கரையுடன் நிறுத்தப்படும். சென்னை கடற்கரை – பட்டாபிராம் மிலிட்டரி சைடிங் இடையே ரயில் சேவை தற்காலிகமாக ரத்து செய்யப்பட்டுள்ளது.
 பட்டாபிராம் மிலிட்டரி சைடிங்கில் இருந்து இரவு 8.25 மணிக்கு வேளச்சேரி செல்லும் மின்சார ரயில் வெள்ளிகிழமை ஆவடியுடன் நிறுத்தப்படும். ஆவடி – சென்னை கடற்கரை இடையே ரயில் சேவை தற்காலிகமாக ரத்து செய்யப்பட்டுள்ளது.
 பட்டாபிராம் மிலிட்டரி சைடிங்கில் இருந்து இரவு 10.45 மணிக்கு சென்னை சென்ட்ரல் செல்லும் மின்சார ரயில் நாளை ஆவடியுடன் நிறுத்தப்படும். ஆவடி – சென்ட்ரல் இடையே தற்காலிகமாக ரயில் சேவை ரத்து செய்யப்படுகிறது.
 சென்னை சென்ட்ரலில் இருந்து நள்ளிரவு 12.15 மணிக்கு ஆவடி செல்லும் மின்சார ரயில் இன்று முதல் வெள்ளிக்கிழமை வரை முழுவதுமாக ரத்து செய்யப்பட்டுள்ளது.
 சென்னை கடற்கரையில் இருந்து நள்ளிரவு 1.20 மணிக்கு அரக்கோணம் செல்லும் மின்சார ரயில் இன்று முதல் வெள்ளிக்கிழமை வரை முழுமையாக ரத்து செய்யப்பட்டுள்ளது.
 பட்டாபிராம் மிலிட்டரி சைடிங்கில் இருந்து இரவு 11.55 மணிக்கு ஆவடி செல்லும் மின்சார ரயில் நாளை முழுமையாக ரத்து செய்யப்பட்டுள்ளது.
 சென்னை சென்ட்ரலில் இருந்து நள்ளிரவு 11.30 மணிக்கு செல்லும் மின்சார ரயில்கள் நாளை முழுமையாக ரத்து செய்யப்பட்டுள்ளது. இவ்வாறு தெரிவிக்கப்பட்டுள்ளது.

You may also like

Leave a Comment

11 − 7 =

Dinakaran is a Tamil daily newspaper distributed in India. As of March 2010, Dinakaran is the largest Tamil daily newspaper in terms of net paid circulation, which was 1,235,220. In terms of total readership, which was 11.05 Lakhs as of May 2017, it is the second largest. Dinakaran is published from 12 centers in India namely Delhi, Mumbai, Chennai, Bengaluru, Madurai, Coimbatore, Trichy, Salem, Nagercoil, Vellore, Nellai and Pondicherry.

Address

@2023 – Designed and Developed by Sortd.Mobi