மூதாட்டியிடம் நகை பறித்த 3 பேர் கைது

நெல்லை, ஆக. 4: வள்ளியூர் அருகே குளத்துக்குடியிருப்பு பகுதியை சேர்ந்தவர் பால் தங்கம்(65). இவர் அதே பகுதியில் உள்ள பவுல் சிங் என்பவரின் தோட்டத்தில் உள்ள வேப்ப மரத்தின் பழங்களை சேகரித்து, வேப்பம் விதைகளை கடையில் கொடுத்து பணம் பெறுவது வழக்கம். இந்நிலையில் நேற்று முன்தினம் பால்தங்கம் வேப்ப மர பழங்களை சேகரித்துக் கொண்டிருந்தபோது 3 பேர் அவரிடம் குடிக்க தண்ணீர் கேட்பது போல் நடித்து காதுகளில் இருந்த அரை பவுன் தங்க கம்மலை பறித்துக் கொண்டு தப்பிச் சென்றனர். இதில் காயமடைந்த பால் தங்கம் வள்ளியூர் அரசு மருத்துவமனையில் அனுமதிக்கப்பட்டுள்ளார். இது தொடர்பாக வள்ளியூர் போலீசார் வழக்குப் பதிவு செய்து விசாரணை நடத்தினர். இதில் கடலூர் மாவட்டம் காட்டுமன்னார் கோவில் இழுப்பை தோப்பு தெருவை சேர்ந்த அஜித்குமார்(27), பாட்ஷா(29), பெரம்பலூர் கரையனூர் பகுதியை சேர்ந்த துரை(55) ஆகியோரை பிடித்து விசாரித்தனர். இதில் அவர்கள் மூதாட்டியிடம் கம்மலை பறித்துச் சென்றது தெரியவந்தது. இதையடுத்து போலீசார் அவர்களை நேற்று கைது செய்தனர்.